دنیا
انقرہ: بین الاقوامی کانفرنس کے موقع پر یوکرین کے نمائندے نے روس کے مندوب کو مکے جڑ دیئے، ویڈیو وائرل
روس اور یوکرین کے درمیان جنگ کی وجہ سے دونوں ملکوں کے درمیان شدید تناؤ ہے اور اس کا ایک اظہار انقرہ میں ایک بین الاقوامی کانفرنس کے دوران ہوا، جب یوکرین کے رکن پارلیمنٹ نے روس کے ایک نمائندے کو سرعام مکے جڑ دیئے۔
🥊 In Ankara 🇹🇷, during the events of the Parliamentary Assembly of the Black Sea Economic Community, the representative of Russia 🇷🇺 tore the flag of Ukraine 🇺🇦 from the hands of a 🇺🇦 Member of Parliament.
The 🇺🇦 MP then punched the Russian in the face. pic.twitter.com/zUM8oK4IyN
— Jason Jay Smart (@officejjsmart) May 4, 2023
بلیک سی اکنامک کوآپریشن کی 61 ویں جنرل اسمبلی کے دوران دونوں ملکوں کے نمائندوں کے درمیان ہاتھاپائی کا واقعہ پیش آیا۔ اس ہاتھاپائی کی ویڈیو سوشل میڈیا پر وائرل ہے۔
یوکرین کے رکن پارلیمنٹ اولیکسندر ماریووسسکی اور روس کے مندوب کے درمیان ہاتھاپائی اس وقت شروع ہوئی جب روس کے نمائندے نے یوکرینی رکن پارلیمنٹ کے ہاتھ سے ان کا پرچم چھینا، روس کے مندوب یوکرین رکن پارلیمنٹ کے ہاتھ سے پرچم چھین کر دوڑ لگادی، لیکن یوکرین کے رکن پارلیمنٹ نے انہیں جانے نہیں اور دوڑ کر ان پر مکوں سے حملہ کیا۔
اس واقعہ کی ویڈیو کو ٹویٹر پر نہ صرف بڑی تعداد میں دیکھا گیا بلکہ اس پر تبصرے بھی جاری ہیں۔ کسی نے عوامی نمائندوں کی بین الاقوامی فورم پر ناپسندیدگی کا اظہار کیا تو کسی نے یوکرین کے نمائندے کے ردعمل کی حمایت کی اور کہا کہ روس کے مندوب نے پرچم چھیننے کی حرکت کر کے پہل کی اور خود شامت کو دعوت دی