پی آئی اے کا ایک اور فضائی میزبان کینیڈا میں لاپتہ ہو گیا

پی آئی اے کا ایک اور فضائی میزبان کینیڈا میں لاپتہ ہوگیا،رواں سال بیرون ملک سلپ ہونے والے کریوز کی تعداد 5 ہوگئی۔

ذرائع کے مطابق پاکستان سے کینیڈا آپریٹ ہونے والی پروازپی کے 784 کے ذریعے اسٹیورڈ ایاز قریشی کینیڈا پہنچا،فضائی میزبان نے ٹورنٹو سے واپسی کی پرواز پر ڈیوٹی پر رپورٹ نہیں کیا۔

مبینہ طور پر پی آئی اے کا فضائی میزبان ایاز  قریشی کینیڈا پہنچ کر سلپ ہوا،فضائی میزبان ایاز قریشی کا تعلق پی آئی اے لاہور بیس سے ہے۔

گذشتہ ماہ بھی 2 فضائی میزبان کینیڈا  میں سلپ ہوئے تھے،ذرائع کے مطابق رواں سال بیرون ملک سلپ ہونے والے عملے کی تعداد 5 ہوگئی۔

ترجمان پی آئی اے کے مطابق قومی ائیرلائن انتظامیہ نے کینیڈا میں حکام کو کریو کے حوالے سے  آگاہ کردیا،کریو سے متعلق سخت محکمانہ کارروائی عمل میں لائی جائے گی،کینیڈا میں فضائی عملے کے غائب ہونے کے واقعات کے سدباب کیلئے ضوابط کو مزید سخت سے سخت کررہے ہیں۔