پاکستان
اینٹی نارکوٹکس فورس کی ملک بھر میں کارروائیاں، بھاری مقدار میں منشیات برآمد
اینٹی نارکوٹکس فورس کا منشیات کے خلاف کاروائیوں کا سلسلہ جاری،8 ملک گیر کارروائیوں کے دوران بھاری مقدار میں منشیات برآمد، 7 ملزمان گرفتار کرلیے گئے
ترجمان اے این ایف کے مطابق موٹر وے ٹول پلازہ اسلام آباد کے قریب مسافر وین میں سوار مسافر سے 7 کلو ہیروئن برآمد کی گئی،
دوران کارروائی ملزم کو گرفتار کر لیا گیا،بُرہان انٹرچینج اٹک کے قریب گاڑی سے 17 کلو 300 گرام افیون اور 41 کلو 270 گرام چرس قبضے میں لی گئی،
رنگ روڈ پشاور کے قریب گاڑی کے خفیہ خانوں سے 36 کلو چرس برآمد کی گئی،ایک ملزم کی گرفتاری عمل میں آئی،نادرا چوک طورخم کے قریب پلاسٹک بیگ سے 1 کلو آئس تحویل میں لی گئی.
السعادت ہوٹل کوئٹہ کے قریب موٹر سائیکل سوار کے قبضے سے 25 کلو چرس برآمد کی گئی،دوران کارروائی ملزم کو گرفتار کر لیا گیا،سرائے سدھو میں واقع پی ایس او پمپ کے قریب موٹر سائیکل سوار کے قبضے سے 1 کلو 500 گرام چرس برآمد کی گئی،جس میں ایک مُلزم گرفتار ہوا،سیالکوٹ، سمبڑیال میں واقع گورنمنٹ اسلامیہ گریجویٹ کالج کے قریب موٹرسائیکل پر سوار دو ملزمان کے قبضے سے 1 کلو چرس برآمد کی گئی،
مُلزمان طُلباء کو منشیات سپلائی کرنے میں مُلوث ہیں،
گلگت میں واقع جلال آباد روڈ پر موٹرسائیکل سوار کے قبضے سے 673 گرام چرس برآمد کی گئی،دوران کارروائی ملزم کو گرفتار کر لیا گیا،ملزمان کے خلاف انسدادِ منشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔