پاکستان
فوجی عدالتیں کالعدم قرار دیے جانے کے خلاف اپیلیں سماعت کے لیے مقرر
فوجی عدالتوں کو کالعدم قرار دینے کیخلاف اپیلیں سماعت کیلئے مقرر کردی گئیں، سپریم کورٹ کا6رکنی بینچ 24اپریل کوسماعت کرےگا۔
جسٹس امین الدین، جسٹس محمد علی مظہر، جسٹس حسن اظہر رضوی، جسٹس شاہد وحید ،جسٹس مسرت ہلالی اور جسٹس عرفان سعادت خان بینچ کاحصہ ہوں گے۔
سپریم کورٹ نے گزشتہ سماعت پر اٹارنی جنرل سے فوجی عدالتوں سے تین سال تک سزا پانے والے ملزمان کی تفصیلات طلب کی تھیں۔
عدالت نے عید الفطر سے قبل ایک سال تک سزا پانے والے بیس ملزمان کو رہا کرنے کا حکم دیا تھا۔
اٹارنی جنرل نے عید الفطر پر رہا ہونے والے ملزمان کی تفصیلات سپریم کورٹ میں جمع کروائی تھیں۔