ایپل نے چین میں آئی فونز کے نئے ایڈیشنز کی قیمت میں کمی کردی

ایپل چین میں اپنے آئی فونز پر غیر معمولی رعایتیں پیش کر رہا ہے،

 دنیا کی سب سے بڑی اسمارٹ فون مارکیٹ چین میں بڑھتے ہوئے مسابقتی دباؤ کی وجہ سے ایپل اپنے آئی فونز پر قیمتوں میں غیرمعمولی طور پر 500 یوآن ($70) تک کمی کر رہا ہے۔

امریکی ٹیک کمپنی کی چینی ویب سائٹ کے مطابق قمری سال کے موقع پر 18 جنوری سے 21 جنوری تک کمپنی نے کچھ آئی فونز کی قیمتوں میں 5 فیصد کمی کی ہے۔

ایپل کے تازہ ترین آئی فون 15 سیریز کے ہینڈ سیٹس کی فروخت چین میں پچھلے ماڈلز سے کہیں زیادہ خراب رہی ہے۔

ایپل کے چین میں مقامی حریف ہواوے اور شیاؤمی مسابقتی ماڈل پیش کرتے ہیں، جبکہ ذرائع نے کہا ہے کہ کچھ کمپنیاں اور سرکاری محکمے چینی ایپس پر امریکی حکومت کی پابندیوں کے جواب میں اپنے  عملے کے ایپل ڈیوائسز کے استعمال کو محدود کر رہے ہیں۔

ایک سال پہلے کی اسی مدت کے مقابلے میں 2024 کے پہلے ہفتے میں چینی آئی فون کی فروخت میں 30 فیصد کمی واقع ہوئی، جیفریز کے تجزیہ کاروں نے کلائنٹ نوٹ میں کہا کہ آئی فونز کی 2023 کے تمام عرصے کے لیے 3 فیصد گری ہے۔ تجزیہ کاروں کو توقع ہے کہ اس سال مسابقتی منظرنامہ مزید سخت ہوگا۔

ایپل نے کئی برسوں میں اپنے تازہ ترین آئی فونز کی قیمتوں میں کمی نہیں کی ہے۔ یہ کٹوتی اس وقت ہوئی جب اس نے ستمبر میں لانچ ہونے والے آئی فون 15 سیریز کی قیمتیں نہ بڑھا کر مارکیٹ کو حیران کر دیا۔

آن لائن شاپنگ پلیٹ فارمز بشمول Pinduoduo سال کے آغاز سے آئی فون 15 اور آئی فون 15 پرو کی قیمتوں میں 16 فیصد تک کمی کر رہے ہیں۔

مارکیٹ ریسرچ فرم کینالیس کے سینئر نائب صدر نکول پینگ نے کہا کہ چھوٹ حیرت کی بات نہیں ہے کیونکہ ایپل پر عالمی سطح پر اور خاص طور پر چین میں فروخت کو بڑھانے کا دباؤ ہے۔

“یہ واضح ہے کہ ہواوے واپسی کر رہا ہے،” پینگ نے کہا، “کچھ چینی صارفین حب الوطنی کی وجہ سے ہواوے کو استعمال کرنے کے لیے واپس آ سکتے ہیں۔”

کینیلیس کو توقع ہے کہ اس سال ایپل کی فروخت پوری دنیا میں فلیٹ رہے گی جبکہ چین میں معمولی کمی کا سامنا کرنا پڑا ہے۔

ایپل نے تبصرہ کی درخواست کا جواب نہیں دیا۔