تازہ ترین
نواز شریف کے پیغام کو سراہتے ہیں، مودی نے مبارکباد کا جواب دے دیا
بھارتی انتخابات کے نتائج آنے کے تقریباً ایک ہفتے بعد وزیراعظم شہباز شریف نے پیر کو اپنے ہم منصب نریندر مودی کو دوبارہ وزیراعظم منتخب پر مختصر مبارکباد پیش کی۔
شہباز شریف نے پاکستان کی طرف سے جاری کئے گئے پیغام میں لکھا، ’بھارتی وزیر اعظم کے طور پر حلف لینے پر نریندرا مودی کو مبارکباد‘۔
مودی نے بھی شہباز شریف کی پوسٹ کے جواب میں کہا، ’آپ کی نیک خواہشات کے لیے شکریہ‘۔
نواز شریف نے بھی مودی کے دوبارہ وزارت عظمیٰ سنبھالنے پر تبصرہ کرتے ہوئے لکھا کہ ’حالیہ انتخابات میں آپ کی پارٹی کی کامیابی آپ کی قیادت پر لوگوں کے اعتماد کی عکاسی کرتی ہے، آئیے نفرت کو امید سے بدل دیں۔
مودی نے جواب میں لکھا، ’نواز شریف کے پیغام کو سراہتے ہیں۔ ہندوستان کے لوگ ہمیشہ امن، سلامتی اور ترقی پسند خیالات کے لیے کھڑے رہے ہیں۔ اپنے لوگوں کی بھلائی اور سلامتی کو آگے بڑھانا ہمیشہ ہماری ترجیح رہے گی‘۔