ندیم ارشد کا وطن واپسی پر شاندار استقبال، پیرس اولمپکس میں حصہ لوں گا،قومی ہیرو کا اعلان

ہنگری میں ہونے والے ورلڈ اتھلیٹکس چمپئن شب جیولن تھڑو کے فائنل میں سلور میڈل جتنے والے  ارشد ندیم گزشتہ رات وطن واپس پہنچ گئے۔

قوم کا پرچم بلند کرنے والے اتھلیٹ  ارشد ندیم پر پھول نچھاور کئے گئے۔۔پاکستان اتھلیٹکس فیڈریشن کے صدر اکرم ساہی اور سپورٹس سے وابستہ شخصیات کی بڑی تعداد استقبال کیلئے موجود  تھی۔ ڈائریکٹر یوتھ افیئرز سید عمیر حسن نے قومی ہیرو ارشد ندیم  کا استقبال کیا۔

ارشد ندیم کا استقبال ڈھول کی تھاپ پر کیا گیا۔۔میڈیا سے گفتگو کرتے ہوئے میڈل ہولڈر ارشد ندیم کا کہنا تھا کہ پاکستانی میڈیا کا شکرگزار ہوں جنہوں نے مجھے پذیرائی دی۔ میں ایتھلیٹس فیڈریشن کا شکرگزار ہوں۔ ہمارے کوچز نے شاندار پریکٹس کرائی۔

ارشد ندیم  نے کہا کہ ہم نے ورلڈ چیمپین شپ جیتی ہے۔ میں نے بازو کی سرجری کرائی تھی۔ پیرس میں ہونے والی اولمپکس 2024 میں حصہ لوں گا۔ پاکستان میں ہماری ٹریننگ کا گراؤنڈ نہیں ہے۔ مزید سرپرستی کی جائے تو اور اچھا کھیل سکتے ہیں۔ ورلڈ لیول انٹرنیشنل کوچنگ ہماری ضرورت ہے