ضمنی الیکشن،انٹرنیٹ، موبائل فون سروس بند، فوج تعینات کرنے کا فیصلہ

21حلقوں میں ضمنی الیکشن کے لیے پولنگ کے دوران موبائل فون سروس بند رکھنے کے لیے محکمہ داخلہ پنجاب نے وفاقی وزارت داخلہ کو خط لکھ دیا۔

لاہور، شیخوپورہ، قصور، ڈی جی خان، تلہ گنگ، گجرات، علی پور، ظفروال، بھکر، چکوال، صادق آباد، علی پورچٹھہ، کوٹ چٹھہ میں موبائل اور انٹرنیٹ سروس بند رہے گی۔

وفاقی حکومت نے سول آرمڈ فورسز اور پاک فوج کےدستے تعینات کرنے کی منظوری دے دی۔

سول آرمڈ فورسز اور پاکستان آرمی کے دستے  کوئیک رسپانس فورس کے طور پر استعمال  ہوں گے۔سول آرمڈ فورسز اور پاکستان آرمی کے دستے  آج سے 22  اپریل تک 21 حلقوں میں دستیاب ہونگے۔

نوٹیفکیشن کے مطابق سول آرمڈ فورسز اور پاکستان آرمی کے دستے  دوسرے اور تیسرے ٹیئر کے طور پر استعمال ہونگے۔

الیکشن کمیشن آف پاکستان  نے وفاقی حکومت کو ضمنی انتخابات مین سکیورٹی فراہم کرنے کی در خواست کی تھی۔

قومی اور صوبائی اسملی کے 21 حلقوں میں ضمنی انتخاب کل ہونے جا رہے ہیں۔