کیا ٹرمپ کو دوسری مدت صدارت کے لیے نااہل کیا جا سکتا ہے؟

کچھ مخالفین کا کہنا ہے کہ سابق صدر ڈونلڈ ٹرمپ 6 جنوری 2021 کو کیپٹل ہل حملے میں اپنے کردار کی وجہ سے دوسری مدت صدارت کے اہل نہیں، ان کا کہنا ہے کہ کیپیٹل حملہ ’ بغاوت‘ کے مترادف ہے اور امریکی آئین کی 14 ترمیم اس جرم کی وضاحت کرتی ہے۔

اس قانونی تھیوری کے تحت سابق صدر ڈونلڈ ٹرمپ کو صدارتی الیکشن میں شرکت سے روکنے کے مختصر اور طویل مدتی امکانات کیا ہیں؟

ٹرمپ کو کیسے نااہل کیا جا سکتا ہے؟

کچھ قانونی ماہرین کا کہنا ہے کہ ٹرمپ کے 6 جنوری کے اقدامات انہیں صدارت کے لیے نااہل قرار دیتے ہیں۔ ماہرین کیپیٹل ہل پر دھاوا بولنے والے ٹرمپ کے حامیوں کے متعلق ٹرمپ کی تقریر کا حوالہ دیا۔

قانونی ماہرین خانہ جنگی کے بعد کی 14ویں ترمیم کے سیکشن 3 کا حوالہ دیتے ہیں، جو ان سرکاری اہلکاروں کو عہدے پر فائز ہونے سے روکتا ہے جو "بغاوت کے مرتکب یا بغاوت میں ملوث” ہیں۔

واشنگٹن کے ایڈووکیسی گروپ سٹیزنز فار رسپانسیبلٹی اینڈ ایتھکس نے 6 ستمبر2022  کو کولوراڈو میں ایک آئینی درخواست دائر کی جس میں کہا گیا ہے کہ وفاق الیکشن کمیشن کے حکام کو سابق صدر ٹرمپ کا نام بیلٹ پیپر پر شائع کرنے سے روکا جائے، اس درخواست میں بھی سیکشن 3 کا حوالہ دیا گیا ہے۔

اس قسم کی مزید درخواستیں ریاستی عہدیداروں کے خلاف بھی آ سکتی ہیں جس سے اس قانونی سوال پر ایک ہنگامہ کھڑا ہو سکتا ہے اور اس سوال کے وسیع تر پیمانے پر اثرات ہو سکتے ہیں کہ کون الیکشن لڑ سکتا ہے اور کون نہیں؟

کیا ٹرمپ کو بغاوت پر اکسانے کے جرم میں سزا سنائی گئی ہے؟

ٹرمپ کے دوسرے مواخذے میں ایوان نمائندگان نے ان پر 6 جنوری کو بغاوت پر اکسانے کا الزام لگایا، لیکن سینیٹ کے ریپبلکنز نے انہیں بری کرنے کے لیے کافی ووٹ حاصل کیے۔

اب وہ چار مجرمانہ الزامات پر مقدمے کا انتظار کر رہے ہیں، جن میں سے دو ان کی 2020 کی شکست کو الٹانے کی کوششوں سے متعلق ہیں، ٹرمپ کا دعویٰ ہے کہ ان کی انتخابی شکست دھوکہ دہی کا نتیجہ تھی۔

ٹرمپ پر بغاوت یا بغاوت کا الزام نہیں لگایا گیا

کچھ قانونی ماہرین کا کہنا ہے کہ ٹرمپ کو نااہل قرار دینے کی کوششیں ایک پریشان کن مثال قائم کر سکتی ہیں جو ریاستی انتخابی عہدیداروں کو بااختیار بنائے گی کہ وہ یکطرفہ طور پر امیدواروں کو "برکاوٹ ڈالنے یا بغاوت” کی اپنی تشریحات کی بنیاد پر نااہل قرار دیں۔

امیدواروں کو ان جرائم کی بنیاد پر نااہل قرار دینا جن پر انہیں سزا نہیں دی گئیں یا ان پر الزام بھی نہیں لگایا گیا ہے، وہ ان کے حقوق مناسب عمل اور مساوی تحفظ کی خلاف ورزی ہوسکتی ہے، جو 14ویں ترمیم میں بھی درج ہیں۔

نااہلی کیسے کام کرے گی؟

سیکشن 3 میں نفاذ کا کوئی واضح طریقہ کار نہیں ہے۔ کچھ قانونی ماہرین کا کہنا ہے کہ اسے نافذ کرنے کے لیے کانگریس کے ایکٹ کی ضرورت ہوگی۔ دوسروں کا کہنا ہے کہ ریاستی انتخابی اہلکار بیلٹ کے لیے امیدواروں پر غور کرتے وقت اس کا اطلاق کرنے کے پابند ہیں اور عدالتی حکم کے ذریعے انہیں ایسا کرنے پر مجبور کیا جا سکتا ہے۔

ووٹرز اوران کی نمائندگی کرنے والے گروپوں کو 50 ریاستوں کے سیکریٹریز کو قائل کرنے کی ضرورت ہوگی  کہ ٹرمپ کو ناہل قرار دیا گیا ہے، ریاستوں کے سیکرٹریزمیں سے بہت سے ریپبلکن ہیں اور ٹرمپ کے اتحادی ہیں، یا ججوں کو قائل کرنا ہوگا کہ وہ ٹرمپ کا نام بیلٹ پر شائع کرنے سے روکیں۔

اس ہتھکنڈے کی کامیابی کے لیے، اس کے حامیوں کو ریپبلکن جھکاؤ والی ریاستوں میں حکام کو اس بات پر قائل کرنے کی ضرورت ہوگی کہ وہ ٹرمپ کا نام بیلٹ سے روکیں، اگر کسی ریاست کے بیلٹ پر امیدوار کا نام نہیں اور اسے ووٹ نہیں ملتے تو وہ درکار الیکٹورل ووٹ نہیں لے سکے گا۔

یہ کوششیں یقینی طور پر ریپبلکنز کی جانب سے قانونی طور پر چیلنجز کی جائیں گی۔

کیا ایسا پہلے کبھی کیا گیا ہے؟

سیکشن 3 کا استعمال 1861-1865 کی امریکی خانہ جنگی کے بعد متعدد لوگوں کو عہدے سے نااہل کرنے کے لیے کیا گیا تھا لیکن اس کے بعد سے یہ تقریباً مکمل طور پر غیر فعال ہے۔

تاہم، ستمبر 2022 میں، وہی ایڈوکیسی گروپ جس نے کولوراڈو میں ٹرمپ کو بیلٹ سے دور رکھنے کے لیے مقدمہ دائر کیا، نیو میکسیکو کے جج کو 6 جنوری کی بغاوت میں  شرکت پر ہٹوانے میں کامیاب رہا تھا اور ایڈووکیسی گروپ نے کاؤنٹی کمشنر کو قائل کر لیا تھا کہ وہ جج کو عہدے سے ہٹا دیں۔

کیا یہ کام کر سکتا ہے؟

ایسی کوشش کو طویل مشکلات کا سامنا ہو سکتا ہے۔ اس کے لیے انتخابی عہدیداروں کو قائل کرنے یا مجبور کرنے کی ضرورت ہوگی کہ وہ ٹرمپ کو ریپبلکن اتحادیوں کے زیر انتظام ریاستوں میں بیلٹ سے دور رکھیں۔

یوں ایک بڑی قانونی جنگ چھڑ سکتی ہے جس کا فیصلہ بالآخر امریکی سپریم کورٹ کرے گا، سپریم کورٹ میں ری پبلکنز ججوں کی 6-3 کی اکثریت ہے، تین جج  ٹرمپ کے مقرر کردہ ہیں۔

کیا 14ویں ترمیم حال خبروں میں ہے؟

ملک کے 31.4 ٹریلین ڈالر کے قرض کی حد پر ہاؤس ریپبلکنز کے ساتھ کشمکش کے دوران، بائیڈن نے مئی میں 14 ویں ترمیم کے سیکشن 4 کو استعمال کرنے کا خیال پیش کیا، لیکن انھوں نے اس دھمکی پر کبھی عمل نہیں کیا۔