لاہورایئرپورٹ سے تھائی لینڈ جانے والے میاں بیوی کے پیٹ سے منشیات بھرے کیپسول برآمد

اینٹی نارکوٹکس فورس کی علامہ اقبال انٹرنیشنل ائیرپورٹ لاہور پر کارروائی/تھائی لینڈ جانے والے ملزمان (میاں بیوی) کے پیٹ سے ہیروئن سے بھرے 46 کیپسول برآمد کرلیے گئے۔

ترجمان اے این ایف کے مطابق منشیات کے خلاف کاروائیوں کا سلسلہ جاری ہے،5 کاروائیوں کے دوران 113 کلوگرام سے زائد منشیات برآمد، خاتون سمیت 4 ملزمان گرفتار کرلیا گیا۔

علامہ اقبال انٹرنیشنل ائیرپورٹ لاہور پر اے این ایف نے 3 کارروائیاں کیں،بذریعہ پرواز نمبر TG-346 تھائی لینڈ جانے والے وہاڑی کے رہائشی میاں بیوی گرفتار کرلیا،ملزمان کے پیٹ سے 46 ہیروئن بھرے کیپسول برآمد کیے گئے،

)دوسری کارروائی میں مسافر کے پیٹ سے 40 آئس بھرے کیپسول برآمد کیے گئے،بھکر کا رہائشی ملزم پرواز نمبر QR-621 کے ذریعے دوحہ کیلئے روانہ ہو رہا تھا۔

تیسری کارروائی میں لاہور کے رہائشی مسافر کے ٹرالی بیگ سے 675 گرام کوکین برآمدکی گئی،ملزم پرواز نمبر QR-620 کے ذریعے دوحہ کیلئے روانہ ہو رہا تھا۔

گوادر کے علاقے نیلنٹ کے قریب جھاڑیوں میں چھپائی گئی 100 کلوگرام چرس تحویل میں لی گئی،برآمدشدہ چرس بیرون ملک اسمگل کرنے کی غرض سے زخیرہ کی گئی تھی،خیبر کے علاقے جروبی زخا خیل میں اسمگلنگ کی غرض سے چھپائی گئی 12 کلو چرس قبضے میں لی گئی،گرفتار ملزمان کیخلاف انسدادِ منشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔