دنیا
دنیا میں ایک صدی میں نظر نہ آنے والی تبدیلیاں تیزی سے رونما ہو رہی ہیں، چینی صدر
![](https://urduchronicle.com/wp-content/uploads/2023/07/xi-jinping-1-1.jpg)
چین کے صدر شی جن پھنگ نے مشترکہ ترقی کے لئے عالمی ایکشن فورم کی پہلی اعلیٰ سطح کانفرنس کو مبارکباد کا خط ارسال کیا ہے۔
Cچین کی سرکاری خبر ایجنسی شنہوا کے مطابق شی جن پھنگ نے اپنے خط میں کہا کہ دنیا میں ایک صدی میں نظر نہ آنے والی تبدیلیاں تیزی سے رونما ہو رہی ہیں ،عالمی معیشت بحالی کے لیے جدوجہد کر رہی ہے اور عالمی ترقی کے ایجنڈے کو چیلنجز کا سامنا ہے۔
چینی صدر نے کہا کہ تعاون پر اتفاق رائے پیدا کرنے اور مشترکہ ترقی کو فروغ دینے کے لئے میں نے پائیدار ترقی کی خاطر اقوام متحدہ کے 2030 کے ایجنڈے پر عمل درآمد کو تیز کرنے میں معاونت کے طور گلوبل ڈیویلپمنٹ اینی شیٹو پیش کیا ہے۔ مجھے یہ دیکھ کر خوشی ہے کہ تمام فریقین کی مشترکہ شرکت کے ساتھ گلوبل ڈیویلپمنٹ اینی شیٹو پر تعاون نے اہم ابتدائی نتائج حاصل کیے ہیں اور متعدد ترقی پذیر ممالک کو فائدہ پہنچا ہے۔
انہوں نے اس بات پر زور دیا کہ ترقی انسانی معاشرے کا ابدی موضوع ہے اور مشترکہ ترقی ایک بہتر دنیا کی تعمیر کا ایک اہم راستہ ہے۔
شی نے کہا کہ سب سے بڑے ترقی پذیر ملک کی حیثیت سے چین نے ہمیشہ اپنی ترقی کو انسانی ترقی کے وسیع تر تناظر میں رکھا ہے اور اپنی ترقی کے ذریعے دنیا کی ترقی کے لئے نئے مواقع پیدا کیے ہیں۔
چینی صدر نے کہا کہ چین عالمی ترقیاتی تعاون کے لئے اپنے وسائل میں مزید اضافہ کرے گا، عالمی ترقیاتی اقدام کو مزید آگے بڑھانے کے لئے بین الاقوامی برادری کے ساتھ مل کر کام کرے گا اور اقوام متحدہ کے 2030 کے پائیدار ترقیاتی اہداف کے حصول اور انسانیت کے مشترکہ مستقبل کے ساتھ ایک کمیونٹی کی تعمیر میں نیا کردار ادا کرے گا۔
چائنہ انٹرنیشنل ڈیویلپمنٹ کوآپریشن ایجنسی کے زیر اہتمام گلوبل ایکشن فار شیئرڈ ڈیو یلپمنٹ فورم کی پہلی اعلیٰ سطح کانفرنس پیر کے روز بیجنگ میں شروع ہوئی جس کا موضوع “گلوبل ڈیویلپمنٹ اینی شیٹو، ایکو دی ڈیویلپمنٹ ایجنڈا اور کال فار گلوبل ایکشن” تھا۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی