سربراہ پاک بحریہ کا دورہ امریکا، انٹرنیشنل سی پاور سمپوزیم میں شرکت

سربراہ پاک بحریہ ایڈمرل محمد امجد خان نیازی دورہ امریکہ اور25ویں انٹرنیشنل سی پاورسمپوزیم 2023 میں شریک ہیں۔

ترجمان پاک بحریہ کے مطابق سمپوزیم میں دنیا بھر سے مختلف ممالک کے وفود،بحری افواج اور کوسٹ گارڈ کے سربراہان شریک ہیں،سمپوزیم میں مشترکہ میری ٹائم چیلنجز اور بین الاقوامی سطح پرمیری ٹائم سیکیورٹی میں تعاون بڑھانے پرتبادلہ خیال کیا گیا۔

سربراہ پاک بحریہ کی امریکہ کے سیکرٹری آف نیوی اورامریکی بحریہ کے دیگر اعلی حکام سے اہم ملاقاتیں کیں جبکہ سربراہ پاک بحریہ کی اسپین کے چیف آف اسٹاف اورآذربائیجان، سعودی عرب،ہالینڈ، مصرکی بحری افواج کے سربراہان سے بھی الگ الگ خصوصی ملاقاتیں کیں۔

ملاقاتوں کے دوران نیول چیف نے عالمی سطح پر میری ٹائم ڈومین میں بڑھتے ہوئے خطرات سے نمٹنے کیلئے پاک بحریہ کے کردار پر روشنی ڈالی۔

نیول چیف کے اس دورے سے سمپوزیم میں شریک دیگر ممالک کی بحری افواج کے ساتھ علاقائی اور عالمی سطح پر سمندری تحفظ کیلئے دوطرفہ تعاون کو مزید فروغ ملے گا۔