پاکستان
کراچی ایئرپورٹ پر اے ایس ایف اور کسٹمز افسروں میں تنازع، کسٹمز نے کام بند رکھا
.کراچی ایئرپورٹ پر اے ایس ایف اور کسٹم افسران میں ٹھن گئی،2 گھنٹے تک معمول کے کام متاثر ہوئے
ذرائع کے مطابق پیر کی صبح جناح انٹرنیشنل ائیرپورٹ پر پاکستان کسٹم اورائیرپورٹ سکیورٹی فورس کے درمیان کشیدہ صورتحال پیدا ہوئی،جس پر کسٹم اہلکار بین الاقوامی روانگی ہال کے سامنے جمع ہوئے.
اے ایس ایف نے مبینہ طور پر کسٹم آفسر کو ائیرپورٹ اندر جانے سے روکا تھا،ذرائع کے مطابق گزشتہ روز کراچی ائیرپورٹ پر دبئی جانے والے مسافر سے جھگڑے کی رپورٹ تنازعے کی وجہ بنی.فریقین کے درمیان پیدا صورتحال کے باعث کسٹم اہلکاروں نے کام بند رکھا،بعدازاں اے ایس ایف اور کسٹم حکام کے درمیان مذاکرات کامیاب ہوئے،اور کسٹم حکام اپنی ڈیوٹی پر واپس آگئے۔