کامیاب الیکشن پر پاکستانی عوام کو مبارکباد، نئی حکومت کے ساتھ مل کر کام کرنے کے خواہاں ہیں، چین

چین کی وزارت خارجہ کے ترجمان نے پاکستانی قوم کو بہترین انتخابات منعقد کرنے پر مبارکباد پیش کی ہے۔

ترجمان نے کہا کہ پاکستان میں عام انتخابات مستحکم اور ہموار طریقے سے منعقد کیے گئے،ہم پاکستان کو مبارکباد پیش کرتے ہیں،پاکستان ہمارا قریبی دوست اور ہمسایہ ملک ہے۔

چین کی وزارت خارجہ کے ترجمان نے کہا کہ چین پاکستانی عوام کے انتخاب کا مکمل احترام کرتا ہے، چین پاکستان کی آنے والی نئی حکومت کے ساتھ مل کر کام کرنے کا خواہاں ہے، چین پر امید ہے کہ پاکستان کی متعلقہ جماعتیں انتخابات کے بعد سیاسی یکجہتی اور سماجی استحکام کو برقرار رکھنے کے لیے مل کر کام کریں گی۔

ترجمان نے کہا کہ ایک قریبی اور دوست ہمسایہ کے طور پر چین پاکستانی عوام کے انتخاب کا مکمل احترام کرتا ہے،  پاکستان کی متعلقہ جماعتیں انتخابات کے بعد سیاسی یکجہتی اور سماجی استحکام کو برقرار رکھنے کے لیے مل کر کام کریں گی ۔

ترجمان نے کہا کہ چین پاکستان کمیونٹی کی تعمیر کو تیز کرنے کے لیے پاکستان کے ساتھ کام کرنے کی امید رکھتا ہے۔ دونوں ممالک کے عوام کے فائدے کے لیے نیا دور شروع کیا جائیگا، ہمیں یقین ہے کہ پاکستان میں متعلقہ فریق یکجہتی پر قائم رہ سکتے ہیں اور متعلقہ مسائل کو حل کرنے کے لیے مل کر کام کر سکتے ہیں۔