تازہ ترین
توہین عدالت، ڈپٹی کمشنر اسلام آباد، ایس ایس پی آپریشنز، ایس پی کو قید اور جرمانے کی سزا
اسلام آباد ہائی کورٹ نے ڈی سی اسلام آباد، ایس ایس پی آپریشنز اور ایس پی صدر کے خلاف توہین عدالت کیس کا فیصلہ سنا دیا۔
اسلام آباد ہائی کورٹ کے جسٹس بابر ستار نے محفوظ شدہ فیصلہ سنایا،فیصلہ سنانے کے وقت آئی جی اسلام آباد، ڈی سی اسلام آباد، ایس ایس پی آپریشنز اور ایس پی صدر عدالت میں موجود تھے۔
عدالت نے ڈی سی اسلام آباد عرفان نواز میمن، ایس ایس پی آپریشنز ملک جمیل ظفر اور ایس پی صدر فاروق بٹھر کو توہین عدالت کا مرتکب قرار دیا۔
ڈپٹی کمشنر اسلام آباد کو چھ ماہ قید کی سزا اور جرمانہ،ایس ایس پی آپریشنز کو چار ماہ جیل اور ایک لاکھ جرمانہ کی سزا سنائی گئی ہے۔
ایس پی صدر کو توہین عدالت کت الزام سے بری کردیا گیا،ایس ایچ او کو بھی دو ماہ جیل اورایک لاکھ جرمانہ کی سزا سنائی گئی ہے،
اسلام آباد ہائی کورٹ نے شہریار آفریدی اور شاندانہ گلزار خان کی بار بار گرفتاری پر شوکاز نوٹس جاری کیا تھا۔