پاکستان
سیکرٹری داخلہ پنجاب نورالامین مینگل کو پہلی بیوی اور بیٹی کو ماہانہ ڈیڑھ لاکھ خرچ دینے کا عدالتی حکم
لاہور کی فیملی عدالت نے ہوم سیکرٹری پنجاب نورالامین مینگل کیخلاف آٹزم بیماری کی شکار بیٹی اور اہلیہ کے خرچے کے کیس میں ڈیڑھ لاکھ روپے عبوری خرچہ مقرر کرتے ہوئے نورالامین مینگل کو حکم دیا ہے کہ ہر مہینے کی 14 تاریخ کو بیٹی کا خرچہ عدالت میں جمع کرایا جائے۔
فیملی عدالت لاہور شازیہ کوثر نے نورالامین کی بیٹی ایلیہا نور اور سابقہ اہلیہ عنبرین سردار کی خرچہ ادا نہ کرنے کیخلاف کیس کی سماعت کی، متاثرہ ماں بیٹی کی طرف سے میاں دائود ایڈووکیٹ پیش ہوئے، عدالت میں ایلیہا نور کی آٹزم بیماری کا سرکاری اور پرائیویٹ ہسپتالوں کو مکمل ریکارڈ، بیماری کی ہسٹری اور دیگر رسیدات پیش کی گئیں۔
عدالت نے گزشتہ تاریخ سماعت پر دونوں فریقین کے دلائل سننے اور ریکارڈ کا جائزہ لینے کے بعد عبوری خرچہ مقرر کرنے کا فیصلہ محفوظ کر لیا تھا جسے جاری کرتے ہوئے عدالت نے نورالامین مینگل کو بیٹی کے خرچے کی مد میں ماہانہ ڈیڑھ لاکھ روپے جمع کرانے کا عبوری حکم دیا ہے۔
عدالت نےتحریری فیصلے میں کہا ہے کہ نورالامین مینگل ہر مہینے کی 14 تاریخ کو بیٹی کا خرچہ ڈیڑھ لاکھ روپے عدالت میں جمع کرائیں، فیصلے کے مطابق عدالت نے نورالامین مینگل کا کم آمدن شخص ہونے کا موقف بھی مسترد کر دیا ہے اور لکھا ہے کہ ہوم سیکرٹری نورالامین مینگل عدالتی حکم کے باوجود مصالحت کیلئے پیش نہیں ہوئے، ہوم سیکرٹری پنجاب نورالامین مینگل کا یہ رویہ افسوسناک ہے۔
فیصلے کے مطابق نورالامین مینگل نے گریڈ 21 کا سرکاری افسر ہونا اور پہلی بیوی سے بچوں کا ایچی سن کالج میں زیر تعلیم ہونا بھی تسلیم کیا ہے۔ بچی کی والدہ عنبرین سردار کا مئوقف ہے کہ آٹزم بیماری کی وجہ سے بیٹی کی پرورش پر ماہانہ ساڑھے تین لاکھ اخراجات آتے ہیں، ایسی صورتحال میں بیمار بیٹی کیساتھ مساوی سلوک سے انحراف نہیں کیا جا سکتا۔
فیملی عدالت نے آئندہ تاریخ 30 مئی مقرر کرتے ہوئے کیس کو باضابطہ ٹرائل کیلئے مختص کر دیا ہے اور فریقین کو شہادتیں پیش کرنے کا حکم دیا ہے
-
کھیل11 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل1 سال ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
کالم1 سال ago
اسلام میں عبادت کا تصور
-
ٹاپ سٹوریز4 مہینے ago
اسحاق ڈار سے امریکی سفیر کی ملاقات، سکیورٹی اور اقتصادی تعاون سمیت دو طرفہ امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں