کرکٹر خالد لطیف کراچی سے تحریک لبیک کی ٹکٹ پر صوبائی اسمبلی کے امیدوار

سابق قومی کرکٹر خالد لطیف نے تحریک لبیک پاکستان کے ٹکٹ پر الیکشن لڑنے کا فیصلہ کرلیا،خالد لطیف کراچی کے علاقے ملیر کے حلقے سے صوبائی اسمبلی کی نشست پی ایس 89 سے امیدوار ہیں۔

ذرائع کا کہنا ہے کہ ٹی ایل پی کے سربراہ سعد رضوی نے خالد لطیف سے رابطہ کیا تھا، ملاقات کے دوران انہیں این اے 231 سے پیپلز پارٹی کے حکیم بلوچ کے خلاف الیکشن لڑنے کی پیشکش کی گئی۔

ذرائع نے بتایا کہ خالد لطیف نے پی ایس 89  کا ٹکٹ قبول کرلیا ہے،خالد لطیف پی پی کے سلیم بلوچ اور پی ٹی آئی کے حمایت یافتہ اشرف سموں کے مقابل الیکشن لڑیں گے۔

اس نشست کیلئے جماعت اسلامی نے شعیب حیدر کو امیدوار نامزد کیا ہے۔