پاکستان
جنوری 2025 تک قانونی امور مکمل کر کے تین ڈسکوز کی نجکاری کا فیصلہ
![Decision to amend Nepra Act to legalize load shedding as punishment](https://urduchronicle.com/wp-content/uploads/2023/09/ELECTRICITY-POWER-SECTOR-1.jpg)
نجکاری کمیشن بورڈ نے پی آئی اے سمیت ڈسکوز و دیگر اداروں کی نجکاری کے حوالے سے اہم امور کی منظوری دی گئی ہے۔اجلاس میں فیصلہ کیا گیا کہ پہلے مرحلے میں بجلی کی ترسیل کے 3اداروں “ڈسکوز “کی پرائیویٹائزیشن ہوگی جس کیلئے عملی کام کا آغاز پہلے ہی کر دیا گیا ہے اور ان ڈسکوز کیلئے فنانشل ایڈوائزر لگانے سمیت جنوری2025تک تمام قانونی امور بھی مکمل کر لیے جائیں گے۔
وفاقی وزیر برائے نجکاری عبدالعلیم خان نے نجکاری کمیشن بورڈ کو ہدایت کی کہ نجکاری کیلئے جو ادارے اُن کے سپرد کیے گئے ہیں اُن کی جلد از جلد اور شفاف انداز میں نجکاری کو یقینی بنایا جائے۔ ملکی معیشت کی بحالی اور مضبوطی کے لئے نجکاری کا عمل انتہائی اہمیت کا حامل ہے کیونکہ اس سے ملکی خزانے پر پڑنے والے بوجھ میں عملی طور پر کمی واقع ہو گی۔
عبدالعلیم خان نے مزید کہا کہ نجی شعبے کو منتقل ہونے والے اداروں کو منافع بخش بنانے کے مضبوط امکانات ہیں۔انہوں نے بورڈ کو ہدایت کی کہ پی آئی اے کی نجکاری کو بھی کم سے کم وقت میں مکمل کر لیا جائے کیونکہ پی آئی اے کی نجکاری سے متعلق نجی شعبے کی سنجیدگی کا اظہار ہوگا جس سے دیگر ادارو ں کو نجکاری کرنے میں مزید آسانی ہوگی۔
نجکاری کمیشن بورڈ کے اجلاس میں وفاقی سیکرٹری برائے نجکاری،کمیشن کے ممبران سمیت اعلیٰ افسران نے شرکت کی اور متفقہ طور پر نجکاری سے متعلق اہم فیصلوں کی منظوری دی جس پر وفاقی وزیر برائے نجکاری عبدالعلیم خان نے اطمینان کا اظہار کرتے ہوئے کہا کہ نجکاری کے تمام اہداف بر وقت حاصل ہونے چاہئیں اور ان کی حتمی منظوری کے لئے سفارشات کابینہ کی کمیٹی سی سی او پی کو بھجوائی جا ئیں گی۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی