عام انتخابات، الیکشن مہم محدود، غیرمعمولی سکیورٹی انتظامات، اہم فیصلے کر لیے گئے

الیکشن کمیشن نے آئندہ عام انتخابات میں انتخابی مہم محدود کرنے کا فیصلہ کیا ہے۔ پاک فوج سمیت تمام قانون نافذ کرنے والے اداروں کے اہلکار انتخابات میں تعینات کئے جائیں گے، امیدواروں اور ووٹرز کو انتخابی مہم کے دوران بھی سیکیوعٹی فراہم کی جائے گی۔

الیکشن کمیشن نے آئندہ عام انتخابات کی تیاریاں تیزی کر دی ہیں۔ اس حوالے سے اہم فیصلے کر لیے گئے ہیں۔

الیکشن کمیشن نے عام انتخابات میں سیکیورٹی کے غیر معمولی انتظامات کا فیصلہ کیا ہے، انتخابی سرگرمیاں محدود اور سکیورٹی دینے کا فیصلہ بھی کیا گیا۔

ذرائع کے مطابق الیکشن کمیشن نے ملک بھر میں انتخابی مہم کے دوران سیکیورٹی لگانے کا فیصلہ کیا ہے جس کے مطابق سکیورٹی پلان کے مطابق ہی انتخابی مہم چلانے کی اجازات ہوگی، ووٹرز،سیاسی جماعتوں کے قائدین کی حفاظت کےلئے انتخابی مہم کے دوران سکیورٹی فراہم کی جائے گی۔

پاک فوج سمیت تمام قانون نافذ کرنے والے اداروں کے اہلکار الیکشنز میں تعینات کئے جائیں گے۔

ذرائع کے مطابق انتہائی حساس پولنگ اسٹیشنز پر سی سی ٹی وی کیمرے لگائے جائیں گے،الیکشن کمیشن نے انتہائی حساس پولنگ اسٹیشنز کی نشاندہی کےلئے حکام کو ہدایات بھجوا دی ہیں۔

انتہائی حساس پولنگ اسٹیشنز پر سی سی ٹی وی کیمرے متعلقہ صوبائی حکومتیں لگائیں گی۔