فیصل آباد ایئرپورٹ پر آگ بجھانے کی ہنگامی مشق

سول ایوی ایشن اتھارٹی نے فیصل آباد ایئرپورٹ پر رن وے پر آگ بجھانے کی مشق کی۔

ترجمان سی اے اے کے مطابق مشق کا مقصد تمام اداروں کی تیاریوں کی جانچ کرنا تھا جو حقیقی ہنگامی صورتحال میں حصہ لیتے ہیں،مشق سے پہلے ڈومیسٹک ڈیپارچر لاؤنج میں ابتدائی بریفنگ ہوئی،تمام متعلقہ سول/انتظامی محکموں بشمول اے ایس ایف، پی اے ایف اور تمام جی ایچ اے نے شرکت کی،

ایدھی ایمبولینس، اور سی اے اے، اور ائرپورٹ کے تمام سیکشنز کے سربراہوں نے بھی شرکت کی،ایئر لائنز، ڈاکٹرز، ریسکیو 1122، سول ڈیفنس نے بھی مشق میں حصہ لیا۔

فرضی حادثہ کی عکاسی رن وے کمپاؤنڈ میں آگ کے ذریعے کی گئی،فائر بریگیڈ اور سی اے اے کی فائر گاڑیوں نے ایس او پیز کےتحت بروقت اگ پر قابو پایا۔

سی اے اے میڈیکل ٹیم، 1122 ریسکیو سروسز، ای او ڈی ٹیم، اور ایدھی ایمبولینس سروس نے مسافروں کو ریسکیو اور ہسپتال پہنچایا،مشق میں حصہ لینے والے تمام سٹیک ہولڈرز نے تمام مراحل کو طے شدہ قواعد کے تحت کامیابی سے مکمل کیا۔