فیض آباد دھرنا کمیشن کی رپورٹ تیار، کئی ذمہ داروں کے خلاف کارروائی کی سفارش

فیض آباد دھرنا کمیشن نے حتمی رپورٹ تیار کرلی،28 اہم شخصیات کے بیانات بھی شامل ہیں،وفاقی حکومت رپورٹ سپریم کورٹ میں جمع کرائے گی۔رپورٹ کمیشن کے چیرمین اختر علی شاہ نے کابینہ ڈویژن میں جمع کرا دی۔

رپورٹ میں اٹھائیس اہم شخصیات کے بیانات بھی شامل ہیں، رپورٹ کے متن کے مطابق دھرنے سے متعلق تمام فیصلے اس وقت کے چیف ایگزیکٹیو نے صوبائی حکومت کی ایما پر کیے، کمیشن نے اپنی حتمی رپورٹ میں کئی سفارشات دی ہیں ۔۔

کمیشن نے فیض آباد دھرنا سے متعلق 5200 سے زائد صفحات کی چھان بین کی، آئی بی، پولیس، پیمرا، پی ٹی اے، ایف آئی اے، سی ٹی ڈی، حکومتی اور سپیشل برانچ کی رپورٹس بھی کمیشن کی رپورٹ کا حصہ بنا دی گئیں، کمیشن نے کئی متعلقہ شخصیات کے خلاف کاروائی کی سفارش بھی کی ہے ۔۔

ریٹائرڈ فوجی اور سویلین افسران کے بیانات بھی قلم بند کیے گئے، تمام رپورٹ اور بیانات کی روشنی میں کمیشن نے فیض آباد دھرنا کو ہینڈل نہ کرسکنے والوں کی ذمہ داری کا بھی تعین کیا ہے۔