Urdu Chronicle

Urdu Chronicle

پاکستان

پورا خاندان منشیات اسمگلر، 3 عورتیں، 6مرد پیٹ میں ہیروئن کیپسول چھپا کر بحرین جانے کی کوشش میں گرفتار

Published

on

اینٹی نارکوٹکس فورس کی دو ملکی ہوائی اڈوں پر پے درپے کارروائیاں،بحرین جانے والے بین الاقوامی اسمگلر خاندان گروہ کو گرفتار کرلیا۔

ترجمان اے این ایف کے مطابق انٹیلیجنس کی اطلاع پر اسلام آباد انٹرنیشنل اور جناح انٹرنیشنل ائیر پورٹس پر کریک ڈاؤن عمل میں لایا گیا،جس کے دوران بحرین جانیوالا بین الاقوامی اسمگلر خاندانی گروہ گرفتار کرلیا گیا،مذکورہ کنبے میں ایک ہی خاندان کے 3 خواتین اور مردوں سمیت خاندان کے9 افراد گرفتار ہوئے،دوران حراست ملزمان نے اپنے پیٹ میں منشیات بھرے کیپسولز کی موجودگی کا اعتراف کر لیا،گرفتار ملزمان کو ہسپتال منتقل کر کے کیپسولز برآمد کر لئےگئے،ملزمان سے مجموعی طور پر 575 ہیروئن اور 159 آئس بھرے کیپسولز برآمد ہوئے،برآمدہ کیپسولز سے 3کلو 453 گرام ہیروئن اور 788 گرام آئس برآمد ہوئی،گرفتار افراد کا تعلق پشاور، مردان اور چارسدہ سے ہے،ملزمان قومی ائیرلائن کی پرواز نمبر PK-187 کے ذریعے بحرین کیلئے روانہ ہو رہے تھے۔

اینٹی نارکوٹکس فورس نے جناح ائیرپورٹ کراچی پر ایک اورکارروائی کی،جس کے دوران مسافر کے پیٹ سے 91 ہیروئن بھرے کیپسولز برآمد ہوئے،برآمدہ ہیروئن کا مجموعی وزن 1 کلو 170گرام ہے،گرفتار ملزم کی نشاندہی پر موقع پر موجود سہولت کار مُلزم کو بھی گرفتار کر لیا گیا،دونوں ملزمان کا تعلق منشیات فروش گروہ سے ہے،ملزمان منشیات غیر ممالک میں اسمگل کرتے تھے،لاہور کے رہائشی ملزمان پرواز نمبر EK-607 کے ذریعے چائنا کے لئے روانہ ہو رہے تھے،ملزمان کیخلاف انسددِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

ساجد خان کراچی کے ابھرتے ہوئے نوجوان صحافی ہیں،جو اردو کرانیکل کے لیے ایوی ایشن،اینٹی نارکوٹکس،کوسٹ گارڈز،میری ٹائم سکیورٹی ایجنسی،محکمہ موسمیات،شہری اداروں، ایف آئی اے،پاسپورٹ اینڈ امگریشن،سندھ وائلڈ لائف،ماہی گیر تنظیموں،شوبز اور فنون لطیفہ کی سرگرمیاں کور کرتے ہیں۔

Continue Reading
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

مقبول ترین