پاکستان
کراچی اور فیصل آباد سے پہلی حج پروازیں روانہ
پی آئی اے نے حج آپریشن کا ٓغاز کردیا،کراچی اور فیصل آباد سے پہلی حج پروازیں روانہ ہوگئیں،ترجمان قومی ائیرلائن کے مطابق پی آئی اے کی پہلی حج پرواز پی کے773 کراچی سے 328 عازمین کو لے کر آج علی الصبح مدینہ کیلئے روانہ ہوئی،چیف آپریٹنگ افیسر پی آئی اے امان اللہ قریشی، ڈائریکٹر جنرل بینظیر انکم سپورٹ پروگرام امتیاز شاہ، ڈائریکٹر حج کراچی سجاد حیدر اور سول ایویشن اتھارٹی اور پی آئی اے کے حکام نے عازمین کو رخصت کیا،عازمین حج کو رخصت کرنے کیلئے ایک سادہ مگر پروقار تقریب منعقد کی گئی جس میں سے حجاج سے پاکستان کی سلامتی اور ترقی کیلئے خصوصی دعاؤں کی درخواست کی گئی،
)فیصل آباد سے بھی پہلی حج پرواز149 عازمین حج کے ساتھ روانہ کردی گئی، ترجمان سی اے اے کے مطابق پہلی حج 2023 کی پرواز کو فیصل آباد سے صبح 09:20 منٹ پر مدینہ منورہ روانہ ہوئی،پی کے 1341 فلائٹ پر کل عازمین حج کی تعداد 149 تھی، وفاقی وزیر داخلہ رانا ثناء اللہ، ڈائریکٹر ایف آئی اے، ڈی سی فیصل آباد نے عازمین حج کو رخصت کیا،
سی پی او، ڈپٹی ڈائریکٹر ڈائریکٹر حج اور ائرپورٹ مینیجر نے افتتاحی تقریب میں شریک تھے،اس سلسلے میں حج پروازوں کے لیے مختص ڈومیسٹک ڈیپارچر لاؤنج میں تمام ضروری انتظامات کیے گئے تھے۔
حج آپریشن کے پہلے روز کراچی، اسلام آباد اور فیصل آباد سے افتتاحی پروازوں کے ذریعے تقریباً 700 سے زائد عازمین حج کو سعودی عرب پہنچایا جائے گا،اسلام آباد سے پہلی پرواز پی کے 743 آج رات 15۔9 بجے مدینہ منورہ کیلئے روانہ ہوگی،حج آپریشن کے لئے پی آئی اے کے بوئنگ 777 اور ایئربس 320 طیارے استعمال کر رہی ہے۔
رواں برس پی آئی اے 320 خصوصی حج اورشیڈول پروازوں کے ذریعے65ہزار سے زائد عازمین حج کو حجاز مقدس پہنچائے گی،قبل از حج آپریشن 22جون تک جاری رہے گا جبکہ بعد از حج آپریشن 2 جولائی سے 2 اگست تک مکمل ہوگا،پی آئی اے حج آپریشن کی پروازیں کراچی لاہور، اسلام آباد، کوئٹہ، پشاور، سیالکوٹ، فیصل آباد سکھراور رحیم یار خان سے آپریٹ ہوں گی،