پاکستان
فلائی جناح کل سے اسلام آباد، کوئٹہ پروازوں کا آغاز کرے گی
ملک کی سستی ترین ائیرلائن فلائی جناح کی اسلام آباد اورکوئٹہ کے درمیان پروازوں کا آغاز23جولائی سے کیا جارہا ہے۔
ترجمان فلائی جناح کے مطابق اسلام آباد اورکوئٹہ روٹ پرپہلی پروازاتوارکو آپریٹ کی جائیگی،اسلام آباد اورکوئٹہ کے درمیان ہفتہ وار5پروازیں آپریٹ کی جائینگی۔
اسلام آباد اورکوئٹہ روٹ پرائیربس 320ساختہ طیارے استعمال کیے جائینگے،دونوں شہروں کے درمیان مسافروں کوفضائی سفر کا ایک نیا موقع فراہم کریگا۔
ترجمان فلائی جناح کے مطابق مسافر سستی سفری سہولیات کےساتھ ساتھ آرام دہ سفر سےبھی مستفید ہوسکیں گے،فلائی جناح کسی بھی اکانومی کیبن کے مقابلے میں زیادہ کشادہ نشستیں فراہم کررہی ہے، فلائی جناح اسکائی کیفے کے آن بورڈ مینو کے ذریعےسستا،معیاری اوراپنی مرضی کے کھانے کا تجربہ بھی فراہم کررہی ہے۔