کھیل
راولپنڈی ٹیسٹ کے باقی دنوں میں شائقین کا داخلہ مفت، اصل شناختی کارڈ لانا لازمی
پی سی بی نے پاک بنگلہ دیش پہلے ٹیسٹ کے باقی دنوں میں شائقین کا داخلہ مفت کردیا۔فیصلہ ویک اینڈ کو مدنظررکھتے ہوئے کیا گیا۔فیملیز اور طلبہ کو زیادہ سے زیادہ تعداد میں کھیل دیکھنے کاموقع مل سکے گا۔
تماشائیوں کو سٹیڈیم میں داخلے کے لیے اصل شناختی کارڈ یا ب فارم لانا ہوگا۔شائقین کی سہولت کے لیے 2 روٹس پر مفت شٹل سروس بھی چلتی رہے گی۔
شائقین کسی بھی وی آئی پی انکلوژرز (عمران خان اور جاوید میانداد) (صرف فیملیز کے لیے) اور پریمیم انکلوژرز ( میراں بخش۔ شعیب اختر۔ سہیل تنویر اور یاسر عرفات ) میں سے میچ مفت دیکھ سکیں گے۔
پی سی بی گیلری یا پلاٹینم باکس کے لیے خریدے گئے ٹکٹوں پر مفت داخلے کی پالیسی نافذ نہیں ہوتی۔ پہلے سے خریدے گئے ٹکٹوں کی رقم واپس کردی جائے گی۔