پاکستان
اسلام آباد ایئرپورٹ پر مسافروں کے لیے بلامعاوضہ مساج چیئرز لگادی گئیں
اسلام آباد کے بین الاقوامی ہوائی اڈے پربزرگ اوربیمار مسافروں کی سہولت کیلئے تکمیلی مساج کرسیاں نصب کردی گئیں۔
سول ایوی ایشن اتھارٹی کی جانب سے اسلام آباد انٹرنیشنل ائیرپورٹ پرمساج کرسیاں نصب کردی گئیں،دنیا بھر کے دیگرہوائی اڈوں کے برعکس سی اے اے نے برعکس سی اے اے نے یہ سہولت بلا معاوضہ متعارف کرائی ہے۔
اسلام آباد ائیرپورٹ مینیجرآفتاب گیلانی کے مطابق ڈومیسٹک اور انٹرنیشنل ڈیپارچر لاوٴنجز میں مسافروں کے لیے مساج کرسیاں نصب کرنے کا مقصد انھیں سہولت فراہم کرنا ہے،ہوائی اڈوں پرمسافروں کے لیے انتہائی سہولت اور اطمینان کو یقینی بنانے کے لیے پرعزم ہیں۔
انہوں نے کہا کہ سول ایوی ایشن کی جانب سے اسلام آباد انٹرنیشنل ایئرپورٹ پرمزیددلکش ماحول کے ساتھ لاوٴنجز کی جمالیات کو بڑھانا چاہتے ہیں۔