گاندھی کے بھارت میں بڑھتی ہوئی ہندو انتہاپسندی

ہندوستانی لیڈر جب بیرون ملک سفر کرتے ہیں یا غیرملکی مہمانوں کا استقبال کرتے ہیں تو مہاتما گاندھی کی بات کرتے ہیں۔ گاندھی کا تذکرہ امن اور محبت کی سرزمین کے طور پر ہندوستان کے مقبول تصور کے مطابق ہے، اور عالمی سطح پر ایک ذمہ دار جمہوریت کے طور پر بھارت کی اخلاقی اتھارٹی کو بڑھانے میں مدد دیتا ہے۔

جی 20 سربراہ اجلاس کی نئی دہلی میں میزبانی کرتے ہوئے وزیراعظم نریندر مودی نے ایک بار پھر گاندھی کی شخصیت کو بھارتی امیج کے لیے استعمال کیا، کھاڈی کے بنے سکارف لیڈروں کو پہنائے گئے اور گاندھی کی یادگار کا بھی دورہ کرایا گیا۔یہ پہلی بار نہیں تھا، جب بھی مودی نے غیرملکی سرزمین پر قدم رکھا، گاندھی کا ذکر ان کی زبان پر جاری رہا۔

ایک ایسے ملک میں جہاں 84% آبادی ہندو ہے، اور صرف 14% مسلمان، مودی کی بھارتیہ جنتا پارٹی (بی جے پی) نے ہندوؤں میں خطرے کا گہرا احساس پیدا کرنے کا حیران کن کارنامہ انجام دیا ہے، غلط معلومات، نفرت انگیز تقاریر، کے ذریعے مسلمانوں  کے خلاف ہندوؤں کو بھڑکایا جاتا ہے۔ پرانے مذہبی زخموں کو کھولنا، ایک غلام میڈیا کو جوڑنا، ترقی پسند آوازوں کو خاموش کرنا، اور ہندو بالادستی کے گروہوں کو بااختیار بنانا۔ “ہندو کھترے میں ہیں” (ہندو خطرے میں ہیں) دائیں بازو کا ایسا نعرہ  ہے جو آج بھارت میں ہر طرف گونج رہا ہے۔

اس کے نتیجے میں اب بہت سے ہندو یہ ماننے پر آمادہ ہو گئے ہیں کہ ہندوستان کا سب سے بڑا مسئلہ اس کے مسلمان ہیں۔ مودی نے 2014 میں اقتدار سنبھالنے سے پہلے، زیادہ تر شہریوں کا خیال تھا کہ ان کے بنیادی مسائل غربت، ناکافی اقتصادی ترقی اور بدعنوانی ہیں۔ وہ یہ سب ٹھیک کرنے کے وعدے پر اقتدار میں آیا۔ لیکن جیسے جیسے مودی حکومت میں بے روزگاری اور غربت میں اضافہ ہوا ہے، بی جے پی توجہ ہٹانے اور ذمہ داری سے بچنے کے لیے بالادستی کی سیاست میں جت گئی ہے۔ انتخابات جیتتے رہنے کے لیے، اسے ہر بار مسلمانوں کے خلاف ہندو ووٹروں کو پولرائز کرنے اور مسلمانوں کو خطرہ دکھانے کے لیے مزید اشتعال انگیز مہم چلانے کی ضرورت رہتی ہے۔

یہ تاثر پختہ کردیا گیا ہے کہ مسلمان ہندو عورتوں کی ہوس میں مبتلا ہیں، ہندو آبادی کو پیچھے چھوڑ کر مسلمان ایک اسلامی ریاست کے قیام کے مقصد کو تیزی سے پورا کرنے کی جانب بڑھ رہے ہیں۔ اس بیہودہ نظرئیے کو ’ لو جہاد‘ کا نام دیا گیا،ہندوؤں کے لیے ایک اور خطرہ گاؤ کشی کی صورت کھڑا کیا گیا، گاؤکشی پر قوانین بنائے گئے،ان قوانین کی آڑ میں مسلمانوں کے انفرادی قتل کے لیے ہجوم کے حملے اور اجتماعی قتل کے لیے الیکشن سے پہلے فسادات برپا کرائے جاتے ہیں۔اب ایک اور حربہ مسلمان تاجروں کا بائیکاٹ ہے۔

ہندوستانی سوشل میڈیا آج ہندو مذہب کے خود ساختہ محافظوں کی ویڈیوز سے بھرا ہوا ہے جس میں مسلمانوں کو گھیر کر قتل کرنے کرنے کے مطالبات عام ہیں، یہ  ایک ایسا عمل ہے جو اس قدر عام ہے کہ اب شاید ہی اس کی خبر بنتی ہے۔ ہائی پروفائل ہندو بالادستی پسندوں پر شاذ و نادر ہی نفرت انگیز تقریر کے لیے مقدمہ درج کیا جاتا ہے۔ مسلمانوں کو مویشیوں کی نقل و حمل یا ہندو خواتین کے ساتھ ایک ہی جگہ تعلیم یا کام کرنے کے “جرائم” کے لیے حملوں کا سامنا کرنا پڑتا ہے۔ بعض اوقات اشتعال صرف یہ ہوتا ہے کہ کوئی ظاہری طور پر مسلمان ہے۔ جیسا کہ مودی خود انتخابی ریلیوں سے کہہ چکے ہیں، “تشدد کرنے والے” لوگوں کو “ان کے کپڑوں سے پہچانا جا سکتا ہے۔”

اس سیکولر جمہوریہ کی بنیادیں جس کا دفاع کرتے ہوئے گاندھی نے جان دی تھی، اسے کھوکھلا کیا جا رہا ہے۔ جہاں مودی گاندھی کو رسمی خراج عقیدت پیش کرتے ہیں، وہیں بی جے پی کے رہنما گاندھی کے قاتل کی کھلے عام تعریف کرتے ہیں، جو ایک ہندو جنونی تھا۔ مودی کے وزراء اور قانون ساز آزادانہ طور پر لوگوں سے “غداروں” کو گولی مارنے اور قتل عام شروع کرنے کا مطالبہ کرتے ہیں، اور ان کے اعمال کی سزا کے بجائے ان کی تشہیر کی جاتی ہے۔ مودی خود بھی جزوی طور پر اپنے مداحوں کی تقلید  کرتے ہیں، جب وہ 2002 میں وزیراعلیٰ تھے تو سیکڑوں مسلمان فسدات میں مارے گئے اور ہزاروں بے گھر ہوئے لیکن گجرات میں 2002 میں ہونے والے قتل و غارت پر مودی نے آج تک  پچھتاوے کا اظہار نہیں کیا۔

بھارتی ریاست گجرات کے شہر احمد آباد میں 2002 کے فسادات کے دوران املاک جلائے جانے کا ایک منظر

گاندھی کو رول ماڈل بتانے والوں کی عوامی اور سماجی زندگی کے معیارات میں تضاد ہے۔ بیرون ملک دوروں پر گاندھی کو رول ماڈل کہنے والے اب عوامی جلسوں میں نسل کشی کا کھل کر مطالبہ کرتے ہیں۔ نسلی تطہیر کی “ضرورت” دوستوں یا خاندان کے درمیان سیاست پر ہونے والی گفتگو میں عام ہے۔ سوشل میڈیا پر ہونے والے مباحثوں میں موت کی دھمکیوں کا استعمال کیا جاتا ہے۔

ہندوستان میں مسلمان لڑکیاں لباس پہننے اور اپنی شرائط پر زندگی گزارنے کے اپنے بنیادی حق کے لیے لڑ رہی ہیں، حجاب اوڑھنے والی بہت سی مسلم لڑکیوں کو اسکول کے احاطے میں داخل ہونے یا امتحان میں بیٹھنے سے روک دیا گیا، ان خواتین کا خیال ہے کہ حجاب پر حملہ محض ایک بہانہ ہے – جو مسلم شناخت کے ہر پہلو پر وسیع حملے کا حصہ ہے۔

اگرچہ ہندوستانی میڈیا اور سیاست دانوں نے طویل عرصے سے مسلم نوجوانوں میں بنیاد پرستی کے ممکنہ خطرات، یا انتہائی بائیں بازو کے پروپیگنڈے کے خطرے کے بارے میں بات کی ہے، لیکن اب  بھارت ایک ایسی حقیقت کے اظہار کا مشاہدہ کر رہا ہے جس کا ملک نے کبھی سامنا نہیں کیا: ہندو نوجوانوں کی بنیاد پرستی۔

یہ نوجوان مردوں اور عورتوں کی روزمرہ کی بنیاد پرستی ہے جو بظاہر بہت نارمل دکھائی دیتے ہیں، یہاں تک کہ وہ ہندوستانی مسلمانوں اور عیسائیوں کو نشانہ بنانے کا فیصلہ کرتے ہیں۔

وہ عوامی، اوور گراؤنڈ گروپس کا حصہ ہیں جیسے اکھل بھارتیہ ودیارتھی پریشد (ABVP)، راشٹریہ سویم سیوک سنگھ (RSS) کی طلبہ ونگ؛ اور بجرنگ دل، آر ایس ایس کا عسکری یوتھ ونگ۔ یہ سبھی حکمران بھارتیہ جنتا پارٹی (بی جے پی) سے وابستہ ہیں، جو انہیں سیاسی اثر و رسوخ اور احترام کا پوشاک دیتی ہے۔

اے بی وی پی اور بجرنگ دل کے ارکان طلباء اور اساتذہ بالخصوص مسلمانوں اور عیسائیوں کے خلاف جسمانی تشدد کے متعدد واقعات میں ملوث رہے ہیں۔

حال ہی میں بھارت میں ایک ویڈیو منظر عام پر آئی اور وائرل ہوئی جس میں ایک نوجوان ہندو لڑکی ’’دیش کے غداروں کو گولی مارو…‘‘ (ملک کے غداروں کو گولی مارو) گاتی ہوئی نظر آرہی ہے۔ وہ ان بزرگوں سے گھری ہوئی ہے جو تالیاں بجا کر اس کی حوصلہ افزائی کر رہے ہیں۔

اس نعرے کو مودی حکومت کے ایک وزیر نے مقبول بنایا جو 2020 میں منظور کیے گئے متنازعہ نئے شہریت قانون کے خلاف احتجاج کرنے پر مسلم خواتین اور مردوں کو نشانہ بنا رہا تھا، اس نعرے کو مسلمانوں کو نشانہ بنانے کے لیے ریلیوں اور ویڈیوز میں استعمال کیا جاتا ہے۔

یہ ویڈیو ایک ایسی حقیقت کو سمیٹتی ہے جس کے بارے میں ہندو بات نہیں کرنا چاہتے۔ اسکول ٹیچر کی ایک ویڈیو، جس میں اس نے اپنے طالب علموں کو اپنے مسلمان ہم جماعت کو تھپڑ مارنے کا کہا جس نے اپنا ہوم ورک نہیں کیا تھا، طالب علم ایک ایک کرکے آئے اور مسلمان لڑکے کو مارا، ٹیچر نے اس مسلمان طالب علم کے مذہب کے خلاف تبصرہ کیے۔

پچھلی دہائی میں، نوعمروں، یہاں تک کہ بچوں کو تلواریں اور دیگر ہتھیار اٹھائے، مسلمانوں کو نشانہ بناتے ہوئے نفرت انگیز نعرے لگاتے، اور یہاں تک کہ مساجد اور اسلامی مزارات کو توڑ پھوڑ کرتے دیکھنا عام ہو گیا ہے۔ بجرنگ دل کی طرف سے نکالی جانے والی ریلیوں میں ایسے نوجوان دکھائی دے رہے ہیں۔

مسلمانوں اور عیسائیوں کے تئیں اس نفرت کی بڑی وجہ آر ایس ایس سے وابستہ تنظیموں کے ذریعہ چلائے جانے والے تعلیمی اداروں کا سلسلہ ہے۔ ان اداروں کے نصاب اور سرگرمیوں کا جائزہ لینے سے پتہ چلتا ہے کہ یہ نوجوان ذہنوں میں ’قوم پرستی‘ کو ابھارتے ہیں، جو کہ مسلم مخالف اور عیسائی مخالف نفرت کے مترادف ہے۔

بچوں کو بتایا جاتا ہے کہ ہندوستان ہندوؤں کی سرزمین رہا ہے جس میں مسلمان اور عیسائی  گھس آئے تھے، ہندو تمام پہلوؤں میں بہترین رہے ہیں۔  یہ مسلم حکمرانی ہی تھی جس نے انہیں ذلیل کیا اور انہیں غلام بنا دیا۔ ملک کی ماضی کی شان کو دوبارہ حاصل کرنے کا واحد طریقہ مسلمانوں اور عیسائیوں کو سبق سکھانا ہے۔

ہندو نوجوانوں کے سامنے ٹھوس کام پیش کیے جاتے ہیں جو انہیں اپنے عقیدے کے دفاع کے لیے کرنے کی ضرورت ہے۔ انہیں بتایا جاتا ہے کہ وہ گائے کو مسلمانوں اور عیسائیوں کے ظلم سے بچائیں، مسلم محلوں پر ہندو تسلط قائم کریں، اور لڑکیوں کو ‘لو جہاد’ سے ‘بچائیں’ –

غرض حالت یہ ہے کہ گاندھیکے نظریات اور شخصیت سے دنیا کو مرعوب کرنے کی کوشش کرنے والے ملک میں گاندھی کے نظریات کو دن میں لاکھوں بار قتل کیا جاتا ہے۔