لائف سٹائل
دل دہلا دینے والی خبر،سیاہ دن، شوبز ستاروں کاعمران خان کی گرفتاری پر ردعمل
چیئرمین پی ٹی آئی عمران خان کی گرفتاری پر فنکار برادری کی جانب سے ردِ عمل کا اظہار کیا گیا ہے۔ماہرہ خان ، قرۃالعین بلوچ، مایا علی، صباء قمر سمیت دیگر شوبز ستاروں کی جانب سے گرفتاری کی شدید مذمت کی گئی۔
پاکستان شوبز انڈسٹری کے ستاروں کی جانب سے چئیرمین پی ٹی آئی کی گرفتاری پر افسوس کا اظہار کیا گیا۔اداکارہ ماہرہ خان نے عمران خان کی گرفتاری کی خبر کو دل دہلا دینے والی خبر قرار دیا۔صبا قمر نے چئیرمین تحریک انصاف کی گرفتاری پرکہا کہ یہ ملک اب رہنے کے قابل نہیں رہا۔
مایا علی نے 9 مئی کو قوم کے لیے سیاہ دن قرار دیتے ہوئے اپنی انسٹاگرام اسٹوری پرلکھا کہ اُنہیں اپنا کپتان رینجرز کے ہاتھوں میں دیکھ کر دُکھ ہو رہا ہے۔
اداکارہ مشی خان،کنزہ ہاشمی، گلوگارہ قرۃالعین بلوچ اور ٹی وی شو میزبان متھیرا کی جانب سے گرفتاری کو افسوسناک قراردیا گیا اورجس انداز سے گرفتاری عمل میں آئی اس پر غصے کا اظہار کیا گیا۔
چئیرمین پی ٹی آئی عمران خان کو گزشتہ روز رینجرز نے نیب کے القادر ٹرسٹ کیس میں گرفتار کیا گیا تھا