عمران کی رہائی کی دعا کرنے دوبارہ عمرہ پر جاؤں گی، راکھی ساونت

بھارتی اداکارہ راکھی ساونت نے کہا ہے کہ عمران خان خان کو زبردستی قید رکھا گیا ہے، انہوں نے عمران خان کی رہائی پر پاکستان آ کر مبارکباد دینے کا اعلان کر دیا۔

راکھی ساونت سوشل میڈیا پر تنازعات میں گھری رہتی ہیں اور انہوں نے عمران خان کے متعلق بیان دے کر ایک بار پھر میڈیا کی توجہ اپنی طرف کھینچ لی ہے۔

راکھی ساونت ان دنوں متحدہ عرب امارات میں اپنے گانے ’بے بی ڈرامہ کوئین‘ کی لاؤنچ پر موجود تھیں جہاں میڈیا سے گفتگو میں اداکارہ نے کہا کہ میں پاکستان تحریک انصاف کے سربراہ عمران خان کو بے حد پسند کرتی ہوں۔ بھارت میں پہلی خاتون ہوں جو عمران خان اور پی ٹی آئی کی حمایت کر رہی ہوں، میں دل سے چاہتی ہوں کہ عمران خان کی جیت ہو اور مجھے یقین ہے کہ وہ کامیاب ہو جائیں گے۔

راکھی ساونت کا مزید کہنا تھا کہ مجھے دکھ ہے کہ عمران خان کو زبردستی قید میں رکھا ہوا ہے، میں ان کی رہائی کے لیے دعا کرتی ہوں، اگر عمران خان رہا ہو جائیں گے تو میں انہیں مبارکباد دینے پاکستان جاؤں گی۔

ساتھ ہی راکھی نے اس بات کا بھی ارادہ کیا کہ اگر عمران خان کے ووٹرز نے انہیں کامیابی دلوا دی، تو میں دوبارہ عمرہ کرنے جاؤں گی اور ان کے لیے دعا کروں گی۔

واضح رہے راکھی ساونت بگ باس میں اپنے منفرد انداز کی بدولت بھی سب کی توجہ حاصل کر لی تھی۔ جبکہ اداکارہ نے گزشتہ سال اسلام قبول کر لیا تھا اور عمرے کی سعادت بھی حاصل کی تھی۔