پاکستان
اسلام آباد سے دوحہ جانے والی پرواز کے مسافر سے آئس برآمد
ائیرپورٹ سکیورٹی فورس نے کارروائی کے دوران دوحہ جانے والی پرواز کے ذریعے آئس اسمگل کرنے کی کوشش ناکام بنادی۔
ترجمان کے مطابق ائرپورٹ سیکورٹی فورس نے اسلام آباد ائیر پورٹ پر کارروائی کی،متعین عملے نے دوحہ جانے والے مسافر سے 1.492 کلو گرام آئس (ہیروئن) برآمد کرلی۔
مسافر سیف اللہ خان نے نے آئس ہیروئن بیگ کی تہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران پیشہ ورانہ مہارت کا مظاہرہ کرتے ھوئے منشیات برآمد کر کے سمگلنگ کی کوششں ناکام بنا دی۔
ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اے این ایف حکام کے حوالے کر دیا گیا-