پاکستان
اگر ہم نے جلاؤ گھیراؤ کیا ہے تو جیل بھیج دیں، ثابت نہیں ہوتا تو ذلیل کرنا بند کریں، علیمہ خان
عمران خان کی ہمشیرہ علیمہ خان نے کہا ہے کہ جیل میں جب کوئی بیمار ہوتا ہے اسکو دیکھنا چاہیے ،ہم کئی ماہ سے عدالت آ رہے ہیں ادھر جج ہی نہیں ہے،ہائیکورٹ سے کہتی ہوں کہ یہ تماشا بند کرا دیں۔
انسداد دہشت گردی عدالت لاہور میں میڈیا سے گفتگو کرتے ہوئے علیمہ خان نے کہا کہ اگر ہم نے یہ جلاؤ گھراؤ کیا تو ہمیں جیل بھیج دیں ،اگر ہم پر یہ ثابت نہیں تو ہمیں چھوڑ دیں ذلیل نہ کریں،آپ نے لوگوں کو جیلوں میں مارنا شروع کر دیا ہے ،چیف جسٹس ہائیکورٹ سے اپیل ہے کہ بے گناہ لوگوں کو جیلوں سے نکالا جائے ،ہم اب جیلوں کے باہر بیٹھ جائیں گے۔