آئی جی پنجاب پولیس نے ڈی پی او رحیم یار خان، ایس پی اور ڈی ایس پی آرگنائزڈ کرائم یونٹ کو عہدوں سے برطرف کردیا

کچے میں ڈاکو اتنے بے لگام کیسے ہو گئے ؟ آئی جی پنجاب نے ڈی پی او رحیم یار خان،ایڈیشنل ایس پی رحیم یار خان اور ڈی ایس پی آرگنائزڈ کرائم یونٹ کو عہدوں سے برطرف کردیا ۔۔ایس ایس پی رضوان عمر گوندل کو ڈی پی او رحیم یار خان تعینات کردیا گیا،ڈی پی او رحیم یار خان عمران احمد ملک کو تبدیل کرکے سی پی او رپورٹ کرنے کا حکم دے دیا گیا۔

ایڈیشنل ایس پی رحیم یار خان جاوید اختر جتوئی کو تبدیل کرکے سی پی او رپورٹ کرنے کا حکم دیا گیا ہے،ڈی ایس پی آرگنائزڈ کرائم یونٹ رحیم یار خان کلیم احمد کو تبدیل کرکے سی پی او رپورٹ کرنے کا حکم دیا ہے۔

آئی جی پنجاب نے ایس ایس پی ایڈمنسٹریشن سی ٹی ڈی پنجاب رضوان عمر گوندل کو تبدیل کردیا،ایس ایس پی رضوان عمر گوندل کو ڈی پی او رجیم یار خان تعینات کردیا گیا۔

رحیم یار خان کچہ کے علاقہ میں ڈیوٹی پر تعینات پولیس اہلکار ہتھیاروں کی کمی کا شکار ہیں،پولیس اہلکاروں کو ڈاکوؤں کے رحم و کرم پر چھوڑ دیا گیا۔

ملازمین زنگ آلود، ناکارہ اور چھوٹے ہتھیاروں کے ساتھ ڈیوٹی پر مجبور ہیں،پرانے ہتھیاروں سے متعلق پولیس اہلکار کی آڈیو سامنے آ گئی،پولیس اہلکار کے مطابق دورہ کچہ کے دوران ڈی پی او رحیم یار خان کواس معاملے کی نشاندہی کرائی گئی ،لیکن انہوں نے کوئی اقدامات نہ کیے۔

آڈیو کے مطابق ڈی پی او رحیم یار خان چند روز دورہ کچہ کے دوران ملازمین کی نشاندہی کے باوجود ٹس سے مس نہ ہوئے،ملازمین کو زنگ آلود، ناکارہ اور چھوٹے ہتھیاروں کے ساتھ ڈیوٹی پر مجبور کیا جانے لگا،ڈی پی او نے جواب دیا کہ ملازم ان ہتھیاروں سے ڈیوٹی نہیں کر سکتا گھر چلا جائے۔

سانحہ ماچھکہ کے بعد مذکورہ حوالے سے ایک پولیس اہلکار کی آڈیو وائرل ہوئی ہے،یاد رہے سانحہ ماچھکہ میں 12 کے قریب پولیس اہلکار شہید اور متعدد زخمی ہو گئے تھے۔

پنجاب حکومت نے کچے کے ڈاکوؤں کےسر کی قیمت مقرر کردی۔ خطرناک ترین ڈاکوؤں کے سر کی قیمت ایک کروڑ روپے مقرر کی گئی ہے۔گرفتاری پر 50 لاکھ روپے انعام دیا جائے گا۔ وزیراعلیٰ پنجاب نے دہشت گردوں کی گرفتاری پر بھی 25 لاکھ روپے انعام کا اعلان کردیا۔