عمران خان نے کہا ہے شیر افضل مروت کو شوکاز نوٹس دیا جائے، عمر ایوب

پارٹی ڈسپلن کی  خلاف ورزی پر پی ٹی آئی نے شیرافضل مروت کو شوکازنوٹس جاری کرنے کا اعلان کیا ہے۔ پی ٹی آئی کے سیکرٹری جنرل عمر ایوب نے اڈیالہ جیل کے باہر میڈیا سے گفتگو کرتے ہوئے کہا کہ عمران خان نے  ہدایت دی کہ شیرافضل  کو کورکمیٹی اورپولیٹیکل کمیٹی سےالگ کیا جائے،پولیٹیکل کمیٹی شیر افضل مروت کے خلاف ڈسپلنری ایکشن لے۔

عمر ایوب نے کہا کہ عمران خان  نے آج کچھ خصوصی ہدایات دی ہیں،بانی پی ٹی آئی نے عارف علوی کو اہم ذمہ داری سونپی ہے،شیر افضل مروت کو عمران خان نے بہت عزت و احترام دیا ہے، شیر افضل مروت کو بارہا پارٹی پالیسی وائلیٹ نہ کرنے کی ہدایات دیں۔

عمر ایوب نے کہا کہ عمران خان نے کہا شیر افضل مروت نے سعودی حکومت کے ساتھ تعلقات کو خراب کرنے کی کوشش کی ہے،عمران خان نے کہا ہے سعودی حکومت کے ساتھ ذاتی تعلقات کو شیر افضل مروت نے زک پہنچائی ہے، سعودی ولی عہد شہزادہ محمد بن سلمان کے ساتھ عمران خان کے نہایت اچھے تعلقات ہیں۔

عمر ایوب نے کہا کہ  عمران خان نے حکم دیا شیر افضل مروت کو کور کمیٹی اور پولیٹیکل کمیٹی سے الگ کیا جائے،عمران خان  نے کہا ہے پولیٹیکل کمیٹی شیر افضل مروت کے خلاف ڈسپلنری ایکشن لے،عمران خان نے کہا ہے شیر افضل مروت کو شو کاز نوٹس جاری کیا جائے۔