پاکستان کی یونیورسٹی میں گوپی چند نارنگ کی کتاب کو اپنا مقالہ بتا کر کوئی پی ایچ ڈی کی ڈگری لے گیا، سینیٹ میں انکشاف

سینٹ  اجلاس میں انکشاف ہوا ہے کہ ملک کی ایک یونیورسٹی نے ممتاز نقاد اور محقق گوپی چند نارنگ کی کتاب کو بطور تھیسز منظور کر کے کسی طالب علم کو پی یچ ڈی کی ڈگری جاری کی۔

وفاقی وزیر تعلیم مدد علی سندھی نے سینیٹ اجلاس میں تعلیمی صورتحال پر اظہار خیال کرتے ہوئے کہا کہ یک کیس پکڑا جس میں گوپی چند نارنگ کی (تحقیق)کتاب ایک طالب علم نے  اپنے پی ایچ ڈی تھیسز کے طور پہ جمع کرا دی۔اس طالب علم کو اس پر پی ایچ ڈی کی ڈگری بھی دے دی گئی۔

مدد علی سندھی نے کہا کہ حالت یہ ہے کہ پی ایچ ڈی کی ڈگری دینے والوں کو یہ پتہ نہیں کہ طالب علم نے کیا کیا۔حیران ہوں کہ اتنی بڑی تعداد میں کیسے یونیورسٹیوں کو اجازت دی گئی

نگران وزیرتعلیم  نے کہا کہ ماضی کی حکومت کی کارکردگی پر کچھ کہنا نہیں چاہتا۔چیئرمین ایچ ای سی کو تنبیہ کی ہے کہ ائندہ یہ سلسلہ بند کریں اور معیار کو یقینی بنائیں

نگران وزیر تعلیم نے کہا کہ جھے اجازت دی جائے تو تمام پرائیویٹ یونیورسٹیوں کو بند کردیا جائے۔کس طرح ماضی میں تین چار کمروں پر مشتمل عمارت میں یونیورسٹیوں کو این او سی جاری کیا گیا۔