پاکستان
دوران پرواز بچے کی پیدائش، قطر ایئرویز کے طیارے کی کراچی ایئرپورٹ ہنگامی لینڈنگ
کراچی کے جناح انٹرنیشنل ائیرپورٹ پردوحہ سے منیلا(فلپائن)جانے والے طیارے کو طبی بنیادوں پر لینڈ کروایا گیا۔
ترجمان سول ایوی ایشن اتھارٹی کے مطابق دوحہ سے منیلا جانے والے مسافر بردار طیارے کی کراچی کے جناح ائیر پورٹ پر میڈیکل ایمرجنسی لینڈنگ ہوئی۔
قطر ائرویز کیو ار 934 رات گئے جناح انٹرنیشنل اتری،قطر ائیرویز کی فلائٹ دوحہ سے منیلاجانے والی پرواز کے کپتان نے پرواز پر حاملہ خاتون کو تکلیف کے باعث لینڈنگ کی اجازت مانگی تھی،طیارہ رن وے پر اترنے کے بعد خاتون کو جہاز پر ہی ضروری طبی امداد دی گئی۔
لینڈنگ پر ڈاکٹر ایمبولینس موقع پر پہنچے تاہم بچے کی پیدائش ہوچکی تھی،خاتون جورابل ہرموسیلا کا تعلق فلپائن سے ہے،ماں بچے کو مزید نگہداشت کے لیے کراچی کے میمن ہسپتال منتقل کردیا گیا۔