بھارتی ریاست بہار میں خاتون نے شادی سے انکار پر عاشق کے نازک اعضا کاٹ کر گٹر میں بہا دیے

بھارتی ریاست بہار کے سارن ضلع میں ایک نرسنگ ہوم میں کام کرنے والی خاتون کے اپنے محبوب کے بار بار شادی سے انکار سے تنگ آکر اس کے نازک اعضا کاٹ ڈالے۔

پولیس کے مطابق خاتون نے اپنے عاشق کے نازک اعضا کو کاٹ کر بیت الخلا میں بہا دیا۔

ابھیلاشا نامی یہ خاتون متھرا میں ایک نرسنگ ہوم چلاتی تھی اور اسی نرسنگ ہوم کے وارڈ کونسلر وید پرکاش کے ساتھ پچھلے کئی سالوں سے اس کا معاشقہ چل رہا تھا۔

ابھیلاشا کے مطابق اس عرصے کے دوران اس کا اور وید پرکاش کا جسمانی تعلق قائم رہا اور وہ حاملہ ہوگئی۔اس نے الزام لگایا کہ وید پرکاش نے اسے شادی کے نام پر دھوکہ دیا۔

ابھیلاشا نے کہا کہ اس نے اپنے ہاتھوں پر مہندی لگائی تھی اور دعویٰ کیا کہ وید پرکاش نے اسے کورٹ میرج کرنے کو کہا۔

جب اس نے دوبارہ شادی کرنے سے انکار کیا تو خاتون نے چاقو سے اس شخص کے نازک اعضا کو کاٹ کر بیت الخلا میں پھینک دیا۔

جس کے بعد پولیس نے خاتون کو گرفتار کر کے واردات میں استعمال ہونے والا چاقو برآمد کر لیا۔

خاتون نے پولیس کو دئے گئے بیان میں مذکورہ بالا تفصیلات بتاتے ہوئے کہا کہ اسے اپنے عاشق پر ہونے والے بہیمانہ حملے پر کوئی افسوس نہیں ہے۔

متاثرہ وید پرکاش پٹنہ میڈیکل کالج میں شدید زخمی حالت میں داخل ہے۔

سارن کے سپرنٹنڈنٹ آف پولیس (ایس ایس پی) کمار آشیش نے کہا کہ خاتون، مرد کے بار بار شادی کرنے سے انکار پر پریشان تھی اور شادی کی تاریخ سات سے آٹھ بار طے کی گئی۔

انہوں نے بتایا کہ پیر کو ابھیلاشا نے وید پرکاش کو نرسنگ ہوم بلایا اور اس نشہ آور انجیکشن سے بیہوش کرک کے اس کے نازک اعضا کاٹ کر بیت الخلا میں پھینک دئے۔

انہوں نے کہا کہ اس بات کی بھی تفتیش کی جائے گی کہ آیا اس کا نرسنگ ہوم رجسٹرڈ ہے یا نہیں۔