پاکستان
سی پیک کے اگلے مرحملے میں تعاون کا مرکز صنعت، زراعت اور انفارمیشن ٹیکنالوجی پر ہوگا، احسن اقبال
وفاقی وزیر برائے منصوبہ بندی، ترقی اور خصوصی اقدامات پروفیسر احسن اقبال نے اس بات پر زور دیا کہ اگلے مرحلے میں چین پاکستان اقتصادی راہداری (CPEC) تعاون کا مرکز صنعت، زراعت اور انفارمیشن ٹیکنالوجی پر ہو گا۔ بیجنگ میں گلوبل ٹائمز کو انٹرویو دیتے ہوئے احسن اقبال نے جو کہ وزیر اعظم شہباز شریف کے پانچ روزہ دورہ چین پر ان کے ہمراہ تھے، نے اس بات پر زور دیا کہ چین کے بیلٹ اینڈ روڈ انیشیٹو کے فلیگ شپ منصوبے CPEC کے تحت تعاون کی توجہ صنعت، زراعت پر مرکوز ہو گی۔ اور دوسرے مرحلے میں انفارمیشن ٹیکنالوجی۔
احسن اقبال نے حال ہی میں چینی راکٹ کے ذریعے پاکستانی سیٹلائٹ کو خلا میں بھیجنے کی مثال دیتے ہوئے کہا کہ لوگ کہتے تھے کہ پاکستان اور چین کا رشتہ ہمالیہ سے بھی بلند ہے۔ "اب ہم خلائی ٹیکنالوجی میں بھی تعاون کر رہے ہیں۔ ہمارا تعاون خلا تک پہنچ گیا ہے، یہاں تک کہ آسمان سے بھی بلند ہے،‘‘ انہوں نے مزید کہا۔