بھارت: 2 ہزار کا نوٹ بند، تبدیلی کے لیے 30 ستمبر تک مہلت

ریزرو بینک آف انڈیا نے جمعہ کو اعلان کیا ہے کہ  2 ہزار کا بینک نوٹ واپس لیا جا رہا ہے، یہ اقدام ‘ کلین نوٹ پالیسی’ کے تحت کیا جا رہا ہے۔

دو ہزار کا نوڑ 30 ستمبر تک قانونی تصور ہوگا اور بینک لین دین میں قابل قبول ہوگا۔ دو ہزار کے نوٹ تبدیل کرانے والوں کے لیے بینک 23 مئی سے ونڈوز اوپن کریں گے۔ ریزرو بینک ۤف انڈیا نے اس بار نوٹ تبدیلی کے لیے وقت دیا ہے اور نوٹ کو فوری منسوخ نہیں کیا۔

اس سے پہلے مودی کی نوٹ بندی پالیسی نے بھارت کے عوام کو شدید مشکل میں ڈال دیا تھا جب انہوں نے اچانک اعلان کیا تھا کہ رات بارہ بجے کے بعد 5 ہزار کے نوٹ منسوخ ہوں گے، عوام ان نوٹوں کی تبدیلی کے لیے بینکوں کے باہر دھکے کھاتے رہے تھے۔

دو ہزار کا نوٹ تبدیل کرانے کے لیے حد مقرر کی گئی ہے اور کوئی بھی شخص ایک وقت میں 20 ہزار سے زیادہ کے نوٹ تبدیل نہیں کرا سکے گا۔