ٹاپ سٹوریز
بھارت میں دو مسافر ٹرینوں اور مال گاڑی کی ٹکر،288 مسافر ہلاک،900 سے زیادہ زخمی
![](https://urduchronicle.com/wp-content/uploads/2023/06/INDIA-ODHISHA-TRAIN-ACCIDENT-1.jpg)
بھارت کی مشرقی ریاست اوڑیسہ میں تین ٹرینوں کی آپس میں ٹکر سے 288 مسافر ہلاک اور 900 سے زیادہ زخمی ہیں، حادثے کے مقام پر 200 سے زیادہ ایمبولینسز بھجوائی گئی ہیں۔
ایک مسافر ٹرین ٹریک سے اتر کر دوسرے ٹریک پر آنے والی مسافر ٹرین اور مال گاڑی سے ٹکرائی، اس حادثے میں ہلاکتوں کی تعداد مزید بڑھنے کا خدشہ ہے۔
یہ بھارت کی تاریخ کا بدترین ٹرین حادثہ بتایاجاتا ہے۔ بھارتی ریلوے کا کہنا ہے کہ کورومنڈل ایکسپریس اور ہوڑہ سپرفاسٹ ایکسپریس کی ٹکر ہوئی۔
اوڑیسہ کی ایمرجنسی سروسز کے ڈائریکٹر جنرل سدھانشو سارنگی نے ہلاکتوں کی تعداد 288 بتائی۔ سو سے زیادہ ڈاکٹرز کو ہنگامی حالت سے نمٹنے کے لیے بھجوایا گیا ہے۔
اس حادثے میں زخمی ایک مسافر نے بتایا کہ جب حادثہ ہوا تو دس سے پندرہ مسافر اس پر آن گرے، وہ سن کے نیچے دب گیا، اس کے سر اور گردن پر چوٹ آئی۔ اس مسافر نے کہا کہ جب وہ ٹرین کی بوگی سے باہر نکلنے میں کامیاب ہوا تو اس نے دیکھا کسی کا ہاتھ ضائع ہوگیا ہے، کسی کی ٹانگ ضائع ہوئی ہے، کچھ مسافروں کے چہرے شدید زخمی دیکھے۔
ریاست میں سوگ کا اعلان کیا گیا ہے۔ کہا جا رہا ہے کہ شالیمار۔ چنائی کورومنڈل ایکسپریس کی بوگیاں ٹریک سے اتریں اور کچھ بوگیاں مخالف سمت کے ٹرین پر گریں۔
یشونت پور سے ہوڑہ جانے والی ٹرین ٹریک پر الٹنے والی بوگیوں سے ٹکرائی۔ ایک اور مال گاڑی بھی ان ٹرینوں سے ٹکرائی۔
حادثے کی شکار ٹرینوں کے بچ جانے والے مسافر دوسرے مسافروں کی مدد کے لیے بھاگتے نظر آئے اور ملبے سے مسافروں کو نکالنے کی کوشش کرتے دکھائی دئیے۔
مقامی بس کمپنیوں نے زخمی مسافروں کی مدد کا کام شروع کردیا ہے۔ بھارت کا ریل نیٹ ورک دنیا کے بڑے ریل نیٹ ورکس میں سے ایک ہے اور ٹرین حادثے عام ہیں۔
بھارت میں بدترین ٹرین حادثہ 1981 میں ہوا تھا جب گنجائش سے زیادہ بھری ایک ٹرین ٹریک سے اتر کر دریا میں جا گری تھی اس حادثے میں 800 مسافر ہلاک ہوئے تھے۔
-
کھیل11 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل9 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
تازہ ترین3 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
تازہ ترین4 مہینے ago
پی سی بی نے انٹرنیشنل ٹیموں کے قیام کے لیے عمارت خرید لی