ٹاپ سٹوریز
بلوچستان کے مختلف علاقوں میں الیکشن ڈے پر انٹرنیٹ بند رکھا جائے گا، جان اچکزئی
صوبائی وزیر اطلاعات جان اچکزئی نے کہا کہ بلوچستان کے مختلف علاقوں میں واقع حساس پولنگ بوتھ والے علاقوں میں انٹرنیٹ خدمات کو عارضی طور پر روک دیا جائے گا،عام شہریوں کی حفاظت کو یقینی بنانا انتہائی اہمیت کا حامل ہے۔
صوبائی وزیر اطلاعات جان اچکزئی نے کہا کہ اس بات کا خدشہ ہے کہ دہشت گرد سوشل میڈیا پلیٹ فارمز جیسے فیس بک ،ٹویٹر اور دیگر اسی طرح کے چینلز کو مواصلاتی مقاصد کے لئے استعمال کر سکتے ہیں۔
جان اچکزئی نے کہا کہ خطرے کو کم کرنے کے لئے تربت ،مچھ اور چمن سمیت علاقوں میں انتخابات سے قبل انٹرنیٹ تک رسائی کو محدود کردیا جائے گا۔