Uncategorized
اسرائیل غیرانسانی جنگ اور پاگل پن کو روکے، صدر اردگان
ترکی کے صدر رجب طیب اردگان نے ہفتے کے روز اسرائیل سے مطالبہ کیا کہ وہ "فوری طور پر اس پاگل پن کو روکے” اور غزہ پر حملے بند کرے ۔
ایردوآن نے سوشل میڈیا ایکس پر کہا کہ "گزشتہ رات غزہ پر اسرائیلی بمباری میں شدت آئی اور ایک بار پھر خواتین، بچوں اور معصوم شہریوں کو نشانہ بنایا اور جاری انسانی بحران کو مزید سنگین کر دیا”۔
"اسرائیل کو فوری طور پر اس پاگل پن کو روکنا چاہیے اور اپنے حملے بند کرنے چاہئیں۔”
غزہ میں وزارت صحت کے مطابق، علاقے پر اسرائیلی حملوں میں 7,300 سے زائد افراد ہلاک ہو چکے ہیں، جن میں تقریباً 3,000 بچے بھی شامل ہیں۔
دو دہائیوں کے اقتدار کے دوران، اردگان نے متعدد بار فلسطینیوں کے حق میں موقف اختیار کیا، لیکن گزشتہ سال وہ اسرائیل کے ساتھ سفارتی تعلقات کی بحالی کے لیے بھی آگے بڑھے، ستمبر میں وزیراعظم بنجمن نیتن یاہو سے پہلی بار ملاقات ہوئی۔
لیکن بدھ کے روز صدر اردگان نے غزہ میں حماس کے خلاف اس کی "غیر انسانی” جنگ کا حوالہ دیتے ہوئے اسرائیل کا دورہ کرنے کا منصوبہ منسوخ کر دیا۔