پاکستان
اٹلی کے بحری جنگی جہاز کی خیرسگالی دورے پر کراچی آمد
جدید جنگی آلات سے لیس اٹلی کا بحری جنگی جہازفرانسسکوموسورانی خیرسگالی دورے پرکراچی کی بندرگاہ پہنچ گیا۔
اٹلی کا جنگی بحری جہاز3روزہ خیرسگالی دورے پرکراچی پہنچا،بحری جہازموسورانی پرعملے 137افرادسوارہیں جبکہ بحری جہازسینسر،گنزکےعلاوہ جدید آلات سے لیس ہے۔
فرانسسکوموسورانی کے عرشے پرایک اسٹیٹ آف دی آرٹ ہیلی کاپٹربھی موجودہے،جو گہرے سمندروں میں مسلسل 7گھنٹے آپریشن کی صلاحیت رکھتاہے۔
اٹلی کے فرانسسکوموسورانی بحری جہازکے کمانڈنگ آفیسرگلوواننی مونونے قونصل آف اٹلی دانیلوگیوراڈنیلا کے ہمراہ پریس کانفرنس کی،کمانڈنگ آفیسرکا کہناتھا کہ دوستانہ دورے پرکراچی پہنچے،پاک بحریہ نے شانداراستقبال کیا،فرانسسکو موسورانی بحری جہازجدید جنگی آلات سے لیس ہے۔
ان کا کہناتھا پاکستان کےساتھ بحری تعاون سمیت دیگرکاروباری تعلقات ہیں،خواہش ہےکہ پاکستان کے ساتھ تعلقات مذید مضبوط ہو،پاکستان کےساتھ بحری مشقوں کے دوران جنگی تجربات کا تبادلہ کیا،پاکستان کی بہت سارے اشیا چاول،ٹیکسٹائل اورآم اٹلی میں بہت زیادہ پسند کیے جاتے ہیں۔