آئی ایم ایف کے بڑے پروگرام میں شامل ہو رہے ہیں، 14 اور 15 اپریل کو واشنگٹن میں مذاکرات ہوں گے، وفاقی وزیر خزانہ

وفاقی وزیر خزانہ محمد اورنگزیب نے کہا ہے کہ آئی ایم ایف  کے بڑے پروگرام  میں شامل ہورہے ہیں، آئی ایم ایف  کے ساتھ مائیکرو اکنامک  اسٹیبلٹی کو جاری رکھیں  گے،

وفاقی وزیر خزانہ محمد اورنگزیب نے پاکستان  اسٹاک میں تقریب سے خطاب  کرتے ہوئے کہا کہ واشنگٹن میں جلد آئی ایم ایف  حکام سے ملاقات  ہوگی،14اور 15 اپریل کو آئی ایم ایف  کے ساتھ مذاکرات  ہوں گے۔

وزیر خزانہ نے کہا کہ نگران  حکومت نے  معیشت کی بہتری کیلئے مثبت اقدامات  کیے،بہتر معاشی  پالیسیوں کی بدولت  جلد معیشت  مستحکم ہوگی، ایف بی آر  میں اصلاحات کیلئے تیزی  سے کام کررہے ہیں،۔

وزیر خزانہ  محمد اورنگزیب نے کہا کہ بجلی کی چوری  کو روکنا ہے، گورننس کو بہتر اور ڈسکوز  کو  پرائیویٹائز کرنا ہے، ایئرپورٹس کو آؤٹ سورس کرنے، پی آئی اے کی پرائیویٹائزیشن  کیلئے کام کررہےہیں۔