عمران خان کے خلاف 190 ملین پاؤنڈز سکینڈل کی سماعت کرنے والے جج محمد بشیر نے چھٹی کی درخواست دے دی

احتساب عدالت کے جج محمد بشیر نے ایک مرتبہ پھر چھٹیوں کی درخواست دے دی۔ ذرائع  کا کہنا ہے،جج بشیر نے صحت کو وجہ بتاتے ہوئے اپنی ریٹائرمنٹ تک رخصت کی درخواست جمع کرائی۔

رخصت کی درخواست میں جج محمد بشیر نے کہا کہ کام کی نوعیت اور دباؤ کی وجہ سے جج بشیر کو ہائپر ٹینشن کا سامنا ہے۔

گزشتہ دس سے پندرہ روز کے اندر انہوں نے دوسری مرتبہ رخصت کی درخواست جمع کرائی ہے۔گزشتہ ہفتے بھی جج بشیر نے چھٹیوں کی درخواست جمع کرائی تھی۔

جج بشیر اپنی پہلی درخواست سے دستبردار ہوگئے تھے،جج محمد بشیر نے عمران خان اور بشریٰ بی بی کو توشہ خانہ کیس میں سنا سنائی۔

جج محمد بشیر عمران خان اور بشریٰ بی بی کیخلاف 190 ملین پاؤنڈ ریفرنس کی سماعت کر رہے ہیں۔