Uncategorized
کراچی: گھر میں سلنڈر دھماکے سے 3 افراد جھلس کر زخمی
کراچی کے علاقے کریم آباد میں گھر میں سلینڈر دھماکے کے نتیجے میں تین افراد جھلس کر زخمی ہوگئے۔
واقعہ کریم آباد گوشت مارکیٹ میں واقع گنجان آباد علاقے کے مکان میں پیش آیا، دھماکے کے باعث گھر کا ایک حصہ تباہ ہوگیا جبکہ اطراف کے گھروں کو بھی جزوی نقصان پہنچا۔
دھماکے کی اطلاع پر ریسکیو ٹیمیں اور پولیس کی بھاری نفری جائے حادثہ پر پہنچ گئیں، دھماکے کے نتیجے میں تین افراد جھلس گئے جنہیں ریسکیو اہلکاروں نے سول اسپتال برنس وارڈ منتقل کیا۔
زخمیوں میں 50 سالہ اسماعیل اور انکے دو بیٹے 22 سالہ عبید اور 20 سالہ سمیر شامل ہیں، پولیس نے واقعہ کی تحقیقات شروع کردی ہیں۔