پاکستان
خدیجہ شاہ کو بلوچستان پولیس کے حوالے کر دیا گیا
انسداد دہشتگردی عدالت لاہور نے سابق وزیر خزانہ کی بیٹی خدیجہ شاہ کو قتل کیس میں دو روزہ راہ داری ریمانڈ منظور کرتے ہوئے بلوچستان پولیس کے حوالے کر دیا۔
بلوچستان کی پولیس نے خدیجہ شاہ کی گرفتاری اور راہ داری ریمانڈ کے حصول کیلئے انسداد دہشتگردی عدالت لاہور میں درخواست دائر کی۔
انسداد دہشتگردی عدالت کی ایڈمن جج عبہر گل خان نے درخواست پر سماعت کی،عدالت کو بتایا گیا کہ کہ بجلی روڈ کوئتہ میں خدیجہ شاہ کیخلاف قتل کا مقدمہ درج ہے، خدیجہ شاہ کی گرفتاری مطلوب ہے، ملزمہ کو راہ داری ریمانڈ پر حوالے کیا جائے ۔
عدالت کو بتایا گیا کہ پنجاب ہوم ڈیپارٹمنٹ نے بھی بلوجستان پولیس کو خدیجہ شاہ کی کوئٹہ منتقلی کی اجازت دے دی ہے۔
عدالت نے بلوچستان پولیس کی درخواست پر دو روزہ راہ داری ریمانڈ منظور کرکے خدیجہ شاہ کو کوٹ لکھپت جیل سے حراست میں لینے کی اجازت دے دی ۔
عدالتی حکم کے مطابق خدیجہ شاہ کو 13 دسمبر کو کوئتہ کی متعلقہ عدالت میں پیش کیا جائے گا۔