ٹاپ سٹوریز
انتخابی نشان واپس لینے پر لاہور ہائیکورٹ کا الیکشن کمیشن کو نوٹس
لاہور ہائیکورٹ نے انتخابی نشان واپس لینے کیخلاف درخواست پر الیکشن کمیشن اوراٹارنی جنرل پاکستان کو نوٹس جاری کر دیئے۔
لاہور ہائیکورٹ کے جسٹس شاہد بلال حسن نے شہری میاں شبیر اسماعیل کی درخواست پر سماعت کی جس میں عام انتخابات میں الیکشن کمیشن کی جانب سے انتخابی نشان واپس لینے کے اقدام کو چیلنج کیا گیا ہے۔
درخواست گزار کے وکیل اظہر صدیق ایڈووکیٹ نے بتایا کہ الیکشن ایکٹ کا سیکشن 215 آئین کے متصادم ہے، جبکہ سپریم کورٹ کئی فیصلوں میں طے کر چکی ہے کہ پارٹی الیکشن کا جنرل انتخابات پر کوئی اثر نہیں پڑتا۔
وکیل کے مطابق آئین کے ارٹیکل 17 کے تحت کسی بھی سیاسی جماعت پر صرف 2 صورتوں میں پابندی لگائی جاسکتا ہے۔ عوام کی نمائندہ جماعت اور ووٹرز کی اپنی مرضی سے ووٹ دینے سے روکا نہیں جا سکتا۔
درخواست میں استدعا کی گئی کہ الیکشن ایکٹ کا سیکشن 215 کالعدم قرار دیا جائے۔ درخواست پر مزید سماعت 26 جنوری کو ہوگی۔