پاکستان
تعمیراتی کام کی وجہ سے لاہور کا چڑیا گھر اس عید پر بند رہے گا
تعمیراتی کام کی وجہ سے عید الفطر پر لاہور چڑیا گھر بند رہے گا، سفاری اور جلو پارک کھلے رہیں گے۔
ڈی جی وائلڈ لائف مدثر ریاض ملک کا کہنا ہے کہ لاہور چڑیا گھر میں جاری تعمیراتی کام کو مکمل ہونے میں تقریباً ایک ماہ کا مزید وقت درکار ہے۔عوام کو اس بار بالکل مختلف اور نئے طرز کا چڑیا گھر دیکھنے کا ملے گا۔ چڑیا گھر میں ہولو گرام بنایا جا رہا ہے۔
مدثر ریاض ملک نے کہا کہ لاہور چڑیا گھر میں جدید سہولیات کی فراہمی کیلئے کوشاں ہیں۔ منصوبے عوام کے تعاون سے ہی مکمل کئے جا تے ہیں۔ جسے ہی چڑیا گھر کے تعمیر مکمل ہو گی اُسے عوام کے لئے کھول دیا جائے گا۔
ڈی جی وائلڈ لائف نے کہا کہ اس عید پربچوں سے صبر کی درخواست ہے،ایک ماہ بعد ایک نیا چڑیا گھر بچوں کا منتظر ہو گا۔عوام اس عید الفطر پر سفاری اور جلو پارک کا رُخ کر سکتے ہیں۔