پاکستان
لاڑکانہ بورڈ،موبائل فون کے ذریعے نقل، ٹک ٹاک بنانے کی ویڈیوز وائرل
اندرون سندھ تعلیمی بورڈز کے امتحانات کے دوران نقل ایک عام بات ہے لیکن نقل کے ساتھ ساتھ کمرہ امتحان میں ٹک ٹاک اور موج مستی ایک نیا رجحان ہے، یہ رجحان لاڑکانہ امتحانی بورڈ کے 9 ویں اور 10 ویں جماعت کے پیپرز کے دوران سامنے آیا ہے۔
لاڑکانہ شہر میں قائم امتحانی مرکز میں 9 ویں اور 10 جماعت کی طالبات موبائل فون کے ذریعے نقل کرتی رہیں اور ٹک ٹاک بھی بناتی رہیں، طالبات کے اس غیرسنجیدہ رویہ کی ویڈیوز سامنے آئی ہیں۔ تعلیمی حلقوں نے امتحانات میں نقل اور غیرسنجیدہ رویہ پر نہ صرف افسوس کا اظہار کیا ہے بلکہ امتحانی نظام کی کمزوری کو بھی شدید تنقید کا نشانہ بنایا ہے/
اس سے پہلے لاڑکانہ اور سکھر بورڈز کے پرچے آؤٹ ہونے اور موبائل کے ذریعے نقل کی ویڈیوز اور تصاویر بھی سامنے آئی تھیں لیکن امتحانی بورڈز اور سندھ حکومت نے اس کا نوٹس نہیں لیا