پاکستان
اسلام آباد میں بلدیاتی الیکشن 9 اکتوبر کو ہوں گے
الیکشن کمیشن نے اسلام آباد میں بلدیاتی انتخابات کی تاریخ میں توسیع کردی،، شہراقتدار میں بلدیاتی انتخابات اب 9 اکتوبر کو ہوں گے۔ کاغذات نامزدگی اب 28اگست تک جمع کرائے جاسکتے ہیں۔
الیکشن کمیشن نے مختلف سیاسی پارٹیوں کی درخواستوں اور متوقع امیدواروں کی انتخابی عمل میں شمولیت اور انہیں اس سلسلے میں ہرممکن سہولت فراہم کرنے کے لئے اسلام آباد بلدیاتی انتخابات کے لئے کاغذا ت نامزدگی جمع کروانے کی تاریخ جوکہ آج ختم ہورہی تھی اسے 28اگست 2024تک بڑھا دیا ہے ۔ الیکشن کمیشن نے تجدید شدہ (Revised)الیکشن پروگرام کا باضابطہ نوٹیفکیشن بھی کر دیا ہے ۔ جس کے تحت اب پولنگ9اکتوبر 2024 کو ہوگی۔